InfoHub Logo

Bul bylaı bolǵan eken. Ertede bir bıik taý bolypty. Ol taýdan ary qaraı eshbir qus asyp óte almapty. Neler ushqyr qyran qustar talaptanyp kóripti. Biraq shamalary kelmepti.

         Búrkittiń ataqtysy kelipti, asa almapty.

         Qyrǵıdyń ataqtysy kelipti, ol da asa almapty.

         Eń sońynda:

         — Endi kim qaldy? – degende, bódeneden basqanyń bári synnan ótip bitken eken.

         Bódeneniń ataqtysy shaqyrylypty.

         — Táýekel! – dep, bódene usha jónelipti. Shyrqap kóterilip baryp, taýdan ol da asa almapty. Sonan soń yzalanǵan bódene zymyrap, quıylǵannan quıylyp kep, taýdy kókiregimen soqqan eken, sonda taýdyń arǵy jaǵyna bir-aq tesip ótipti.

         Mine, sodan beri qaraı bódene qonǵanda, aıaǵymen qonbaıdy, kókiregin jerge soǵa qonady eken.

         Al quıryǵy nege kelte desek, álgi taýdyń arasynda julynyp qalyp qoıypty... Áıtpese, buryn bódeneniń quıryǵy uzyn eken.

         Sóıtip, bıik taýdan asa almaǵan qustar taýdyń arǵy betine bódene tesken tesik arqyly ótip barsa kerek.

---