«Bolashaq»: Qaı mamandyqtar boıynsha bilim alýǵa jeńildik qarastyrylǵan
«Halyqaralyq baǵdarlamalar ortalyǵy» AQ "Bolashaq" halyqaralyq stıpendıasy arqyly magıstratýra men doktorantýrada oqýda jáne taǵylymdamadan ótýde arnaıy jeńildikter qarastyrylǵan mamandyqtar tizimin jarıalady.
"2017 jylǵa «Memlekettik qyzmetshiler», «Ǵylymı jáne pedagog qyzmetkerler», «Injenerlik-tehnıkalyq qyzmetkerler», «Mádenıet qyzmetkerleri», «Mádenıet uıymdarynyń shyǵarmashylyq qyzmetkerleri», «Buqaralyq aqparat quraldary redaksıasynyń qyzmetkerleri» sanattary boıynsha magıstr dárejesin alýǵa jáne taǵylymdamadan ótý úmitkerleri úshin jeńilidkter bar. Olar úshin IELTS 5.5 deńgeıindegi kórsetkish jetkilikti jáne tildik kýrstardan ótý múmkindigi qarastyrylǵan", - dep jaýap berdi «Halyqaralyq baǵdarlamalar ortalyǵy» AQ baspasóz qyzmeti.
Sonymen birge, baspasóz qyzmeti 2018 jyldyń basym mamandyqtar tizbesiniń qarastyrylyp jatqanyn habarlady. Jaqyn arada bekitilgen tizbe resmı saıtta kórsetiledi.
«Bolashaq» halyqaralyq stıpendıasy - Qazaqstan Respýblıkasy azamattarynyń ozyq sheteldik joǵary oqý oryndarynda kúndizgi oqý formasy boıynsha oqýy úshin nemese sheteldik uıymdarda ǵylymı, pedagogıkalyq, ınjenerlik-tehnıkalyq jáne medısınalyq qyzmetkerlerdiń taǵylymdamadan ótýi úshin qurylǵan halyqaralyq stıpendıa.
Stıpendıa túlekteri memlekettik qyzmette, memlekettik jáne halyqaralyq uıymdarda, aksıonerlik qurylymdardyń jaýapty salalarynda, memlekettik jáne halyqaralyq jobalarda jumys istep júr. Aıta ketsek, Almaty ákimi Baýyrjan Baıbek pen BQO ákimi Altaı Kólginov, sondaı-aq "Nur Otan" partıasynyń hatshysy Ǵabıdýlla Ábdirahymov osy baǵdarlamanyń alǵashqy túlekteri.
QazAqparat
You Might Also Like
-
Eń kishkentaı qus — kolıbrı, kólemi 5 sm-den aspaıdy, salmaǵy - 1,6-1,8 gram, eń úlken qus — afrıkalyq túıequs, olar 2,7 metrge deıin ósip, 175 kılogramǵa deıin salmaq jınaıdy.
-
«Halyqaralyq baǵdarlamalar ortalyǵy» AQ "Bolashaq" halyqaralyq stıpendıasy arqyly bilim alýda úmitkerler tarapynan suranysqa ıe bolyp otyrǵan mamandyqtardy atady.
