InfoHub Logo

Janýarlardyń eń kishkentaı jáne eń úlken túrleri:

Eń kishkentaı qus — kolıbrı, kólemi 5 sm-den aspaıdy, salmaǵy - 1,6-1,8 gram, eń úlken qus — afrıkalyq túıequs, olar 2,7 metrge deıin ósip, 175 kılogramǵa deıin salmaq jınaıdy.

Eń kishkentaı balyq — Paedocypris Progenetica, uzyndyǵy bar-joǵy - 7,9 mm, al eń úlkeni — kıt akýlasy. Kıt akýlasynyń uzyndyǵy 15 metrge deıin jetedi jáne salmaǵy 10 tonnadan asady.

Eń kishkentaı mollúska — Ammonicera rota, qabyrshaǵynyń dıametri 0,5 mm, al eń úlken mollúska — uzyndyǵy 1,37 metr jáne salmaǵy 230 kıllogramdy quraıtyn alyp Trıdakna (Tridacna gigas).

Eń kishkentaı jylan — Tetracheilostoma sp. nov (6 sm aspaıdy), jylannyń eń úlkeni — anakonda. Anakonda kóleminiń tirkelgen eń uzyn mólsheri – 11 metr, 43 santımetr.

Eń kishkentaı tasbaqa — Homopus signatus, onyń eń uzyny – 10 sm. Al eń úlken tasbaqa — pil tasbaqalary nemese seısheldik, salmaǵy 385 kg-dy qurasa, uzyndyqtary 1,5 metrge jetedi. Sonymen qatar, teńizdegi terili tasbaqanyń uzyndyǵy 2 m, salmaǵy shamamen 600 kg-dy kórsetedi. 

Eń kishkentaı qoltyraýyn — ergejeıli qoltyraýyn, uzyndyǵy - 19 sm. Al eń úlken qoltyraýynǵa keletin bolsaq, ol — teńiz qoltyraýyny (Crocodylus porosus) — uzyndyǵy 5,48 m, salmaǵy 998 kg tartady.

Eń kishkentaı baqa — Paedophryne amauensis, uzyndyǵy shamamen 7 mıllımetr, eń úlken baqa — afrıkalyq Golıaf — salmaǵy 3 kılogramǵa deıin jetedi, al uzyndyǵy 50 santımetrden asady.

Eń kishkentaı kóbelek — asetozeıa (Johanssonia acetosea) — 2 mm, kóbelektiń eń úlkeni — taýyskózdi Atlas, onyń eń úlken qulashy - 298 mm jetedi.

Eń kishkentaı jarqanat — shoshqamuryndy jarqanat(Craseonycteris thonglongyai). Onyń uzyndyǵy 3,3 santımetrden aspaıdy, salmaǵy 1,7-2 gr. Eń úlken jarqanat — ushatyn túlki/ıt (Pteropus)— denesiniń uzyndyǵy 40 sm, al qanattarynyń qulashy 180 santımetrge deıin jetedi, salmaǵy - 1,5 kg.

Eń kishkentaı shaıan — pınnoteres dep atalady, uzyndyǵy bar-joǵy 6,3 mm quraıdy. Al eń úlken shaıan-órmekshi —  uzyndyǵy 1,5 metr, al aıaqtarynyń uzyndyǵy 4 metrge teń.

---