InfoHub Logo

Ońtústik  Qazaqstan oblysy, Asyqata kenti
«№121JOM» komýnaldyq memleketttik mekemesiniń
10 «B» synyp oqýshysy Qadyrhan  Dana
Qazaq tili pániniń muǵalimi: Týrmahanbetova Ǵalıa Qaldybaıqyzy

Bala kúnimde armanymda shek bolmaýshy edi. Kórgen de, kórmegen de nársemdi armandaı alýshy edim. Óse kele, adamnyń aqyl-oıy tolysyp, ómirdi shynaıy beınesinde qabyldaı bastaıtyndyqtan, armanyńnyń baǵyty da ózgerýi múmkin.

Arman - sáttilikke bastar joldyń alǵashqy baspaldaǵy. Meniń de armanym bar. Armandar oryndalady.Úkilegen  úmittiń rahatyna bólenip ómirdiń táttiligin sezindiretinin “arman” atty qundylyqtyń  narqyn bilip, appaq armannyń ıesine aınalýdan qoryqpaımyn. Óıtkeni, biz qaıtalanbas jarqyn sátke tolyǵymen laıyqtymyz!

Elbasymyz Nursultan Ábishuly Nazarbaev: “Jarqyn bolashaq - jastardyń qolynda” degendeı, bizdiń bolashaǵymyz óz qolymyzda.

Meni óskende kim bolamyn, qandaı mamandyqty tańdaımyn dep oılanamyn.  Mamandyq tańdaý - ómirińniń bir kirpishin durys qalaý dep túsinemin. Óziń aınalysqyń keletin jumysty tańdaý ǵana emes, óziń aralasqyń keletin ortany da tańdaý degen sóz. Ómirde adam eki nárseden qatelespeý kerek. Birinshisi - jar tańdaǵanda, ekinshisi – mamandyq tańdaǵanda. Ómirden óz ornymyzdy taýyp, adal eńbek etý ár adamnyń armany dep oılaımyn. Árıne, ár adamnyń da tańdaýy ár túrli.

Mamandyq tańdaýda qatelesýge bolmaıdy, óıtkeni árbir adamnyń bolashaǵy tańdaǵan mamandyǵyna baılanysty bolmaq. Bolashaǵymdy tańdaǵan mamandyǵymmen baılanystyramyn. Ol úshin men eń aldymen sabaǵymdy jaqsy oqyp, medısınalyq ýnıversıtetke túsýim qajet.

Meniń armanym - dáriger bolý. Dáriger bolýdy janym súıedi. Dáriger - ol óziniń adamdarǵa bergen shıpasy, adamdy saýyqtyryp, adamdardy ómir súrýge kúsh salatyn jandar!  Sondyqtan  «Aq halatty abzal jandar!» -dep halqymyz  jáı aıtpaǵan. Adam ómirine degen jaýapkershilik, adaldyq jáne úlken júrek kerektigi sózsiz. Adamdarǵa meniń kómegim  tıse, men ózimdi baqytty janmyn dep baǵalar edim.

Eń bastysy, adam eńbekke qabiletti, zeıindi bolýy qajet jáne onyń mamandyǵy ózin qorshaǵan ortaǵa mańyzdy, baǵaly úles qosatyndaı bolýy shart. Óz isine senimdi, mamandyǵyn súıip tańdaǵan adam ǵana jetistikke jetedi. Adam eńbeginen qýanysh taba bilse ǵana, shabyty arta túsedi. Zor yqylas, shabytpen istelgen is bıigine jetkizetin qanat. Men ózimniń qalaǵan maman ıesi bolamyn! Árıne, bul jolda talaı qıyndyqtar týyndaıtynyn bilsem de men óz maqsatyma jetetinime senimdimin. Osy oraıda oıymdy júzege asyrýda qazirgi kúnnen bastap alǵa qaraı qadam basýdamyn. Barlyq jigerimdi bilimge,sabaqqa salý kerek.

Oıymdy qorytyndylaıtyn bolsam, men de  qoǵamǵa paıdamdy tıgizgim keledi. Mamandyq tańdaýda qatelespegen sıaqtymyn.
Ata-ana balanyń kóz qýanyshy, biraq qyz bala úshin ananyń orny óte zor,sol úshin anamdy qýantqym keledi. Armanymyz bıikte bolsyn! Árqashanda armanymyzǵa umtylyp, talpynyp, sharyqtaý shegine jeteıik dostar degim keledi.

---