InfoHub Logo

Ońtústik  Qazaqstan oblysy, Asyqata kenti
«№121JOM» komýnaldyq memleketttik mekemesiniń
10 «B» synyp oqýshysy Shamshıddın Erkin
Qazaq tili pániniń muǵalimi: Týrmahanbetova Ǵalıa Qaldybaıqyzy

Meniń atym – Erkin. Men bos ýaqytymda sportpen aınalysamyn. Ár adam sportpen aınalysýy kerek. Sportpen aınalysqan adamnyń densaýlyǵy myqty, kóńil-kúıi kóterińki bolady. Meniń otbasymda anam men ákem bizdi únemi sportpen aınalysýymyzdy qalaıdy. Kúnde tańerteń erte turyp, túrli jattyǵýlar jasaımyn. Sporttyń adam densaýlyǵyna qanshalyqty paıdaly ekenin, onyń adam ómirin uzartatynyn bilemiz. Sonyń  barysynda mektepte túrli sporttyq úıirmeler jumys atqarady. Atap aıtsam, boks, voleıbol, basketbol, fýtbol, sonymen qatar shahmat, ulttyq oıyn túrleri toǵyzqumalaq úıirmesi udaıy júrgiziledi.

Solardyń ishinde men basketbol úıirmesine qatysyp kelemin. Bizdiń mekteptegi basketbol úıirmesin Baınazarov Bahtıar aǵaı basqarady. Úıirmege mektebimizdiń joǵary synybynyń uldary qatysady. Kúndelikti belgilengen ýaqytta aǵaıymyzben birge jattyǵýlar júrgizemiz. Basketboldan aýdan, oblys kólemindegi týrnırlerge qatysyp turamyz. Atap aıtsam, Otyrar aýdanynda ótkizilgen jasóspirim uldar arasyndaǵy oblystyq ashyq birinshiliginde komandamyz arnaıy dıplommen marapattaldy. Bıyl mektebimizdiń uldary aýdandyq birinshilikti jeńip aldy. Men bolashaqta Qazaqstannyń namysyn qorǵaımyn.

Birinshi baılyq – densaýlyq degen, al sol densaýlyqtyń kepili – sport. Onymen turaqty shuǵyldanǵan adamnyń densaýlyǵy myqty bolady. Bul sóz kezeginde jaqsy oqýǵa jemisti eńbeketýge degen ynta–jigerdi arttyrady. Elbasymyz qazirgi jastardyń bolashaǵyna zor senimmen qarap, úmit artady. Iaǵnı, deni saý, bilimdi de, bilikti jastardy kózge elestetedi. Ózimmen qatar qurdastarymdy sportpen aınalysýǵa shaqyramyn.

Uly oıshyl Sokrat: «Baılyq ta, ataq ta, dańq ta adamdy shyn baqyttty ete almaıdy. Deni saý kedeı, aýrý patshadan baqyttyraq» -dep aıtqandaı, adam baqytty bolýy úshin oǵan densaýlyq kerek. Al, densaýlyqtyń kepili salaýattylyq. Deni saý, jan-jaqty damyǵan, jany sulý adam ǵana mándi de salaýatty ǵumyr keshedi. Salaýatty ómir saltyn ustanaıyq dostar!

---