InfoHub Logo

Bora Bora araly - Fransýz Polınezıasynyń shıpajaıy ári Tynyq muhıtynyń marjany.

Ol Taıtıdiń soltústik-batysynda 240 shaqyrym jerde ornalasqan. Óli janartaýdyń áserinen araldyń qaq ortasynda eki quz paıda bolǵan. Al shetin múıis qorshap tur. Bora Bora – "álemniń eń ádemi araly" ataǵyn ekzotıkalyq kórinisi men túrli-tústi florasy, san alýan janýarlar túrine toly faýnasynyń arqasynda alǵan. Marjan tústes saıabaqtardy aralap, akýlalar men basqa da janýarlarǵa jem berý kelýshilerdiń saıahatyn jandandyra túsedi. Múıis túbinde ekskýrsıa kezinde jem berýge ruqsat etiletin barrakýdtar men akýlalar bar. Bora Boranyń qaq ortasynda ár túrli balyqtarǵa toly úlken Lagýnarıým (akvarıým) salynǵan. Osy jerge sýǵa túsip, tasbaqalar, akýlalarmen birge júzseńiz bolady. Budan ózge ıtalıan, fransýz, shyǵys, aýstralıa elderiniń taǵamdaryn daıyndaıtyn meıramhanalar da bar. Tamaq ishetin oryndar tek qurǵaq jerlerde emes, sý betinde de ornalasqan. Bora Bora aımaǵynda 7500 adam turady. Al araldyń batys jaǵyndaǵy Vaıtape aımaǵynda 4000 turǵyn qonystanǵan. Aral ekonomıkasyn kóterip, turǵyndarǵa jaıly ómirdi qamtamasyz etip otyrǵan - týrızm. Araldyń ońtústigindegi Matıra jaǵajaıy Fransýz Polınezıasyndaǵy eń ádimisi. Onyń sánin kirgizip turǵan bıik kakos aǵashtary. Al jaǵajaıdyń uzyndyǵy 3 shaqyrym.

 

 

 

 

 

 

---