BQO qarapaıym jumysshy qus uıasyn buza almaǵany úshin jumysynan shyǵyp ketti
Batys Qazaqstan oblysynda qarapaıym jumysshynyń tabıǵatqa janashyrlyqpen jasaǵan qadamy kópshiliktiń yqylasyna bólendi. Gaz qubyryn tóseý barysynda transheıany kómip júrgen jumysshy sol aýmaqta qarlyǵash uıa salyp, balapan basyp otyrǵanyn baıqap, jumysty toqtatqan.
Asqar Imanǵalı esimdi azamat qus uıasyn buzýǵa dáti barmaı, ekskavatordy toqtatyp, qurylys jumystaryn jalǵastyrýdan bas tartqan. Tabıǵatqa janashyrlyq tanytqan ol aqyry jumysynan óz erkimen ketip qalǵan.
— Qolym barmady. Uıasynda jatqan tirshilik ıesin aman qaldyrýdy jón sanadym, — deıdi Asqar.
Onyń bul áreketi áleýmettik jelilerde qyzý qoldaýǵa ıe bolyp, jurtshylyq adam men tabıǵat arasyndaǵy úılesimdi saqtaýdyń jarqyn úlgisi retinde baǵalap jatyr.
You Might Also Like
-
Búgingi bilim berý júıesinde jıi aıtylatyn ashshy shyndyq – «Kezinde muǵalimnen oqýshy qorqatyn, qazir muǵalim oqýshydan qorqady» degen tirkes. Bul – jaı ǵana sóz emes, qoǵamdaǵy tárbıe men tártiptiń, bi...
-
Taksı júrgizýshileriniń endi taksoparkke tirkelmeı-aq, óz betinshe jumys isteýine zań aıasynda múmkindik berilýi múmkin. Bul týraly Májilis depýtattarynyń saýalyna jaýap bergen Premer-Mınıstrdiń oryn...
