InfoHub Logo

Buqabaı degen kisi de ótirikke kelgende, eshkimge esesin jibermeıtin kisi eken. Lepire sóılegende, eldi aýzyna qaratyp, ótirikti shyndaı, aqsaqty tyńdaı qylyp, shimirikpesten soǵyp otyrady eken.

— Qantar týysymen qarsaq tonymdy bastyra kıip, qara jolaq ógizime minip, tobylǵydan túlki túrtip, qıa tastan qasqyr qaǵyp kele jatyp, arystannyń alty jumyrtqasyn omby qardan uryp aldym da, oıdan qashqan otyz túlkini alty jumyrtqa jiberip uryp, túlkiniń bárin jaý japyraqtaı túsirip, saıdy ákeme as bergendeı qan sasyttym.

Shybyq sadaǵym, shı oǵymmen quralaıdy kózden atamyn. Seńgirde seltıip turǵan ker qulandy tartyp qalǵanymda, oǵym atqan qulannyń oń tanaýynan kirip, sol qulaǵynan shyǵyp, aldyńǵy oń aıaqtyń tuıaǵyn julyp, artqy sol aıaqtyń bashpaıyn túsirip, san etti aralap órleı shyǵyp, quıryqty qýyp otyryp ústine shyǵyp ketipti.

Ańǵal saıdyń alshasyna salyp tastaǵan qaqpanyma kúnde otyz orman, toqsan túlki túsetin boldy. Kúnde bir qaqpannan bir aýyr kógen ań alamyn. Bireýiniń kirpiginen, bireýiniń murtynan, bireýiniń múıizinen, biriniń qulaǵynan, kóbiniń aıaǵynan, azy tuıaǵynan túsedi de jatady, túsedi de jatady deıdi eken.

---