InfoHub Logo

Sabaqtyń maqsaty: ótken shaq túrleri, burynǵy ótken shaq pen aýyspaly ótken shaqtyń maǵynasy, jasalýy týraly túsinik berý.
Damytý maqsaty: oqýshylardyń syn turǵysynan oılaýyn damytyp, shyǵarmashylyq qabiletterin damytý.
Tárbıelik maqsaty: shyǵarmashylyqqa, óz oıyn jetkize bilýge baýlyp, dúnıetanym sheńberin keńeıtý.
Sabaqtyń túri: aralas sabaq
Sabaqtyń ádisi: suraq – jaýap, eske túsirý, esimsheni pysyqtaý, syn turǵysynan oılaý strategıasy.
Sabaqtyń kórnekiligi: burynǵy ótken shaq pen aýyspaly ótken shaqtyń jiktelý úlgisiniń kestesi.

Sabaqtyń barysy:
İ. Qyzyǵýshylyqty oıatý.
«Toptastyrý» strategıasy arqyly jańa sabaqty túsindirý.

İİ. Maǵynany taný.
«Qateni tap» oıyny túrinde júrgiziledi.
Oqýlyqpen jumys jasaıdy.
1. Burynǵy ótken shaqty bildirip turǵan etistikterdi taýyp, olar qalaı jasalyp turǵanyn túsindirińder.
Zamanda basqan aıaq keıin ketken,
Jasymaı Alashyna qyzmet etken.
Bolsa da qalyń tuman, qarańǵy tún,
Týatyn baq juldyzyna kózi jetken.
Túımege jarqyldaǵan aldanbaǵan,
Basqadaı bir basy úshin jaldanbaǵan.
«Qaıtkende Alash kórkeıer?» degen oıdan,
Basqa oıdy ómirine maldanbaǵan.

2. Aýyspaly ótken shaqty bildirip turǵan etistikterdi taýyp, qalaı jasalǵanyn túsindirińder.
Kókesiniń tórt jyl boıy jaýmen atysyp júrip, altyn saǵat ikelgeni ras. Shyǵyrshyq baýy sala qulash, jıegi sap – sary, syrtyldap soǵatyn. Kókesi aýylǵa barsa, shynjyryn tógildirip, tós qaltasyna salyp alatyn. Álsin - álsin qolyna alyp, qaqpaǵyn ashyp qaraıtyn, jylqyǵa shyqsa, keregeniń basyna ilip ketetin.
Eki qatardaǵy oqýshylar jattyǵýlardy oryndap, bir – biriniń qatelerin túzetedi.
Barlyq shaqqa
(jarys oıyny)
Oıyn.
Bastaýshy taqtaǵa birneshe etistikter jazyp (júr, bil, aqyldas, úıren, jasa, toqy), olardy barlyq shaqqa jarysa jikteýdi tapsyrady.
Oıynǵa qatysýshylar eki topqa bólinedi de, eki toptan eki bala kezekpen shyǵyp, taqtadaǵy alǵashqy etistikti jekeshe, kópshe túrde jarysa jikteıdi. 1 - bala jekeshe túrin aıtqanda, 2 - bala ile – shala kópshe túrin aıtý kerek. Ár etistikti jikteýge eki baladan shyǵyp, oıyndy jalǵastyra beredi. Berilgen etistiktiń barlyǵyn jańylmaı durys jiktep shyqqan top jeńiske jetedi.

İİİ. Oı tolǵanys.
Ótken shaq etistikterin qatystyra otyryp, kez kelgen taqyrypta dosyńa hat jaz.
Baǵalaý.