InfoHub Logo

Oqýshylardyń bos ýaqytyn tıimdi uıymdastyrý
Balany tárbıeleý úzdiksiz proses, ol onyń bos ýaqytynda da júzege asyrylady. Adam ómirinde bos ýaqyttyń róli óte erekshe. Ol demalý, tynyǵý úshin emes, rýhanı qajetin óteýge, oılaý qabiletiniń jetilýine, jalpy jan - jaqty bolýyna arnalady. Ár adam bos ýaqytyn ózinshe bir nársege arnaıdy. Biraq, bos ýaqytty utymdy etip ótkizý áldeqaıda tıimdi. Bos ýaqytty paıdalana otyryp, qoǵam, ujym, otbasy oqýshylardyń demalysyn tıimdi etip uıymdastyrylýyna kúsh jumsaýy qajet. Durys tıimdi uıymdastyrylǵan bos ýaqyt - olardyń rýhanı ómirin, kózqarasyn tolyqtyrylýyn qamtamasyz etedi.

Balanyń bos ýaqytyn onyń óz qalaýymen ótkizýge atsalysý, oǵan asa mán berý - qazirgi tańnyń basty maqsaty sanalýy tıis. Sonymen qatar, qazirgi kezeńde bos ýaqytty áleýmettik qubylys retinde qarastyrý máselesi álemdegi barlyq ǵylymdardyń nazaryn aýdaryp otyr, óıtkeni qoǵamymyzdaǵy áleýmettik - ekonomıkalyq, saıası jáne mádenı ózgerister tulǵa sanasyna da jańasha kózqaras qalyptasýyn qamtamasyz etýde.

Adam faktorynyń belsendiligin jandandyrýdyń kóp sharttarynyń biri – bos ýaqytty tıimdi paıdalaný. Bos ýaqyt – bul jumystan nemese oqýdan tys mezgilde óz betinshe bilim deńgeıi men mamandyǵyn kóterýge, qoǵamdyq jumystardy atqarýǵa, dene tárbıesi men sportpen aınalysýǵa, shyǵarmashylyq eńbek pen bala tárbıesine kóńil bólýge, kórkem ónermen aınalysýǵa, kóńil kóterýge baǵyshtalǵan ýaqyttyń bir bóligi.

Ǵylymı – tehnıkalyq damýdyń jedeldeýine oraı halyqtyń jumystan bos ýaqytty tıimdi paıdalanýy K. Marks aıtqandaı rýhanı ómirdi jáne jeke qabiletti damytýdyń negizgi qoǵam músheleriniń jan - jaqty damýynyń basty sharty bolmaq. Bos ýaqytty tıimdi paıdalanýdyń qyzyqty túrleriniń biri kórkem ádebıet oqý men teledıdar kórý bolyp keledi. Adamdar rýhanı ómirdiń jáı tutynýshysy ǵana bolmaı, onyń belsendi jasaýshysy da bolý úshin olardy mindetti túrde bos ýaqytty utymdy paıdalanýǵa daǵdylandyrý oryndy.