InfoHub Logo

Qazaqstan muǵalimderine paıyzsyz nesıe berý máselesin pysyqtaý kerek. Bul týraly Májiliste Áleýmettik-mádenı damý komıtetiniń jáne «Nur Otan» partıasy fraksıasy janyndaǵy áleýmettik keńestiń birlesken otyrysynda depýtat Janat Omarbekova aıtty.

«Halyqaralyq tájirıbege súıensek, muǵalimderge paıyzsyz nesıeler beriledi. Jergilikti jerlerde pedagogtardyń turaqty jumys isteýi máselesin únemi talqylaımyz. Osy rette áleýmettik jeńildikter, eńbekaqy, baspana berý taqyryptaryn qarastyrýdamyz, alaıda bul máseleler tolyq sheshimin tappaı keledi. Eger de halyqaralyq tájirıbeni nazarǵa alsaq, keıbir elderde paıyzsyz nesıeler beriledi. Eger adam jumysynan ketse, onda ol paıyzsyz jeńildikterin joǵaltady. Iaǵnı, keıinnen qaryzy boıynsha paıyzyn tóleı bastady. Meniń oıymsha, osy baǵytty pysyqtaǵan durys bolady», - dedi Janat Omarbekova.

Budan bólek, jıyn kezinde QR Bilim jáne ǵylym vıse-mınıstri Asqat Aımaǵambetov balabaqsha tárbıeshileriniń eńbekaqysyn kóterý máselesine toqtaldy.

«Balabaqsha tárbıeshileriniń máselesi óte mańyzdy. Árıne, 30-40 myń teńgege jalaqyǵy balabaqshaǵa jaqsy bilimdi ári bilikti mamandy tartý ońaı emes. Sondyqtan bul taqyryp biz úshin qıyn máseleniń biri. Osy oraıda tıisti organdarǵa usynys engizý arqyly bul problemany qarastyryp jatyrmyz», - dedi A. Aımaǵambetov.

QazAqparat

---