InfoHub Logo

AQSH-tyń burynǵy prezıdenti Donald Tramp Ýkraına-Reseı soǵysyna qatysty pikir bildirip, Zelenskıı men Baıdendi synǵa aldy. Onyń aıtýynsha, bul qaqtyǵys múlde bolmaýy tıis edi.

— “Zelenskıı árdaıym zymyran satyp alýdyń múmkindigin izdeıdi. Eger sen ózińnen 20 ese úlken elmen soǵysýdy bastasań, aldymen jeńetinińe senimdi bolýyń kerek. Keıin ‘az-maz zymyran berińder’ dep úmittený — bul durys tásil emes,” — dedi Tramp.

Ol Reseı men Ýkraına arasyndaǵy daýly máseleni ózi sheshýge ýáde etti:

— “Men Pýtınge soǵysty toqtatý úshin dedlaın qoıamyn. Biz Ýkraına men Reseı máselesin sheshemiz,” — dedi ol.

Tramp soǵystyń bastalýyna birneshe tarapty kinálady:

— “Bul soǵysty Baıden de toqtata alatyn edi. Zelenskıı de toqtata alatyn edi. Al Pýtın múlde bastamaýy tıis edi. Sondyqtan barlyǵy belgili bir deńgeıde kináli,” — dedi Tramp.

Sondaı-aq, ol Vladımır Zelenskııdiń qabiletine kúmán keltirip, ózara kelispeýshilik bolǵanyn da jasyrmady:

— “Zelenskııdiń qanshalyqty kompetentti ekenin bilmeımin. Biz onymen shekisip kórdik. Biraq ol suraǵan saıyn, odan da kóp suraı berdi,” — dedi.

— “Pýtınge kelsek, eshkim perishte emes. Biraq meniń prezıdenttigimniń tórt jylynda mundaı jaǵdaı bolǵan joq,” — dep sózin qorytty Tramp.