InfoHub Logo

Dıplomattyń kóleńkeli isi: Sáken Mamashtyń burynǵy jaryna qaıtadan qysym kórsetile bastady,- dep habarlaıdy Infohub.kz.

Qazaqstannyń Birikken Arab Ámirlikterindegi elshiliginiń burynǵy keńesshisi Sáken Mamashtyń aty taǵy da janjalǵa ilikti. Onyń burynǵy jary Karına Gosman eks-kúıeýiniń ózine psıhologıalyq qysym kórsetip jatqanyn málimdedi.

Karına óziniń uzaq ýaqyt úndemeı kelgenin, alaıda qazirgi jaǵdaıǵa kóz jumýǵa bolmaıtynyn aıtty. Onyń aıtýynsha, sot Sáken Mamashtyń ata-ana quqyǵyn shektemegendikten, ol balalarymen aıyna eki ret kezdese alady. Buǵan deıin kezdesýlerde balalardy tek qana alyp ketip, qaıtaryp berýmen shektelse, endi tikeleı baılanysqa túse bastaǵan.

"Osy aıda alǵash ret betpe-bet kezdestik. Sodan beri meniń ómirimde tynyshtyq joǵaldy. Kún saıyn jylaıtyn boldym. Ol meni kináli sezinýge májbúrleıdi. Túrmege otyratyny belgili, biraq ol únemi 'Karına, meniń túrmege túskenimdi qalamaısyń ǵoı? Eger men túrmege otyrsam, balalarǵa ne aıtasyń?' dep manıpýlásıa jasaıdy", – deıdi Karına Gosman.

Bul jaǵdaı eldegi turmystyq zorlyq-zombylyqpen kúres máselesin taǵy bir ret kún tártibine shyǵardy. Dıplomatıalyq qyzmette jumys istegen tulǵanyń mundaı áreketi tek jeke basynyń ǵana emes, sonymen qatar memlekettik qurylymdardyń bedeline de kóleńke túsirýi múmkin. Jábirlenýshi tarapqa tıisti quqyqtyq kómek kórsetile me? Bul suraqqa qoǵam men quqyq qorǵaý organdarynyń reaksıasy jaýap bermek.