tengrinews.kz
Donald Tramp IS-tiń belsendi terrorısin joıǵanyn málimdedi
AQSH prezıdenti Donald Tramp álemdegi eń belsendi terrorısterdiń biriniń joıylǵany týraly málimdedi. Bul týraly ol óziniń Truth Social áleýmettik jelisindegi paraqshasynda jazdy.
Bul týraly Infohub.kz aqparat agenttigi habarlaıdy.
Tramptyń aıtýynsha, bul IS terorıstik uıymynyń komandırleriniń biri. Ony joıý operasıasy Nıgerıada júrgizilgen.
Operasıanyń egjeı-tegjeıi
«Búgin keshke meniń buıryǵymmen AQSH-tyń batyl kúshteri men Nıgerıa Qarýly Kúshteri muqıat josparlanǵan jáne óte kúrdeli operasıany sátti aıaqtady. Álemdegi eń belsendi terrorısti joıdyq. IS-tiń jahandyq ıerarhıasyndaǵy ekinshi tulǵasy Abý-Bılal al-Mınýkı Afrıkada jasyrynyp júrmin dep oılaǵan, biraq bizde onyń áreketterin baqylap otyrǵan derekkózder bar ekenin bilmedi. Endi ol Afrıka halyqtaryn úreılendire almaıdy nemese amerıkandyqtarǵa qarsy operasıalardy josparlaýǵa kómektese almaıdy. Onyń joıylýymen IS-tiń jahandyq qyzmeti aıtarlyqtaı álsiredi. Bul operasıadaǵy seriktestigi úshin Nıgerıa úkimetine rahmet», - dep jazdy AQSH prezıdenti.
Esterińizge sala keteıik, ótken jeltoqsanda AQSH Sırıada IS pozısıalaryna soqqy bergen bolatyn. «Qarlyǵash soqqysy» dep atalǵan operasıa Palmıradaǵy amerıkandyq áskerılerge jasalǵan shabýylǵa jaýap retinde júrgizildi.
-
Elordada qurylys normalary men talaptary buzylyp, ruqsatsyz turǵyn úı keshenderi salynyp jatqany anyqtaldy.
-
President Trump stated the U.S. does not want to go to war with China over Taiwan's independence, emphasizing a preference for de-escalation and leveraging arms sales as a negotiation tool.
