InfoHub Logo

Eń alǵash qazaq orysqa qarap, dýan aýzy ashylǵanda Shoń bı aǵa sultan dýanbasy bolǵan. Shoń bı ólgen soń Shorman aǵa sultan dýanbasy bolyp saılanyp shyǵysymen úıine baryp ólgen. Ereımen taýynyń syrtynda ólip kómilgen. Jeri «Shorman taýy» atanyp qalǵan. Kenesary, Naýryzbaı kóterilisi jurtqa apalań-topalań bolǵan. Baıanaýlada Poshtaı aǵa sultan dýanbasy, Qaraótkelde Qońyrqolja aǵa sultan dýanbasy. Kenesary Qaraótkelge órt salamyn dep qamaǵanda, Qońyrqulja qarsy turyp, urys-soǵys qylǵan.

Aqtaý, Ortaýda Kenesary men Qońyrqulja taǵy qarsylasyp soǵysqan. Qaraótkeldi qamaǵanda, Kenesary «kúldirmamaı» degen myltyǵymen Taıtóbeniń basynda turyp, orystyń qaraýylshy balasaıkasyn atyp murttaı ushyrǵan eken. Tama Tanash batyr bir shapandy maıǵa bulǵap, bir shetin otqa jandyryp, naızanyń ushymen kóterip baryp, atyp turǵan oqty kerek qylmaı, aparyp tastaı bergen eken. Basqa shapqan batyrlardan oqqa ushyraǵan qypshaq Basyqara batyrǵa oq tıip, qan maıdanda qala bergen eken. Tama Tanash batyr Basyqaramen qushaqtasqan dos eken. «Ólsem, óleıin! Basyqaramen súıegim bir jerde qalsyn», — dep qaıta shaýyp baryp Basyqaranyń súıegin aldyna alyp óńgerip kelgende, Kenesary han aıtqan eken: «Dos bolsań, tama Tanash batyrmen dos bol!» — dep. Kóp zamanǵa sheıin bul sóz jurt aýzynda qaldy. Qaraótkelge órt salǵan kún bir orys mingen Qońyrquljanyń boz arǵymaǵy tańerteń Qaraótkelden shyǵyp, kún bata Qyzyljarǵa barypty, eki arasy bes júz shaqyrym desedi.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

 

---