InfoHub Logo

Ómir kóshin biz birge bastap edik,
Qalypsyń sen de alpys jasqa kelip.
Bul kúni aǵa boldyq, ata boldyq,
Kıemiz keıde basqa ádemi bórik.
 
Ýaqyt shirkin qyrandaı zýlaǵanda
Syımaıtyndaı júrýshi ek bul ǵalamda.
Jan dosym, ol kúnder qaldy artta,
Jyljyǵanda bildirmeı jyldar alǵa.
 
Azamatsyń sen eliń qadirlegen,
Ádilettiń aldynda sen bir beren.
Týra bıdeı sóz aıtqan, turǵylasym,
Aqıqattyń jolynan seni kórdim.

*** *** *** ***