InfoHub Logo

Ómirde DOSTYK joly qıyn deıdi.
Dosqa kim jaqsy tilek tilemeıdi.
Ańsaǵan armanyńa baqytpen jet.
Osy ǵoı dostyń dosqa tileıtini.
Armanyń Alataýdaı bıik bolsyn.
Qıalyń tulparyńdaı júırik bolsyn.
Baqytyń taý sýyndaı taýsylmasyn.
Ómirde shyn Mahabbat sende bolsyn.   
Oryndalsyn armanyń men tilegiń.
Árqashanda soǵa bersin júregiń  
Baqytty bol súıgenińmen qashanda.
Osy meniń saǵan aıtar tilegim.

*** *** *** ***

Dostar!
Búgin bárimiz jıylyp bas qosyp otyrǵanymyzǵa óte qýanyshtymyn!
Mine, qýanyshymyzdy da, qaıǵymyzdy da bólisip, jubymyz jazylmaı bir-birimizge súıeý bolyp qatar júrgenimizge qansha jyl boldy. Men senderdeı adal dostarym bolǵany úshin maqtanamyn!
Eshqashan qatarymyz ajyramasyn, bir-birimizge degen aq, adal senimimizge kóleńke túspesin. Dostyǵymyz máńgi bolsyn! Aman bolyńdar! Dúnıedegi eń izgi sezimderdiń biri — DOSTYQ  ÚSHİN!

*** *** *** ***

Dostar!
Jastyq shaq — ósip turǵan gúl emes pe,
Sol gúldiń naǵyz ózi — biz emes pe!
— degendeı jan jaǵyma kóz salsam, búgingi keshke ásem de sulý, kórkine kóz toıardaı qyzdar men jigitter jınalyp otyr eken. Júzderińe qarasam, qyp—qyzyl qyzǵaldaǵy jaıqalǵan kóktemniń sulýlyǵyn kóremin.
Endeshe dostar, laıym, árqashan osylaı qulpyryp júre berińder. Ómirdiń eń sulý, keremet mezgili — Jastyq shaq úshin!

*** *** *** ***

Kúnnen kúnge qulpyryp, kúmbezińe nur tunyp, asqarlarǵa umtylyp, armandaryńa syr tunyp, myna ómirde aman-esen júre ber.

*** *** *** ***

Azamat saılaýynyń eń móldir kózi — dostyq bolsa, adal dostyǵymyz janyńdy sharshatpaıtyn nár bolsyn. Ómirde muńaıma, jasyma, tek qýanyp, jadyrap, aman-esen júre ber.

*** *** *** ***

Tulpardaı zýla top jaryp,
Sáýlesi túser — bol jaryq.
Baqyt kep qonyp basyńa,
Jamandyq ótsin aınalyp.
 
Qıyndyqtardan yqpaǵyn,
Týyńdy qoldan jyqpaǵyn.
Men úshin baqyt qashanda,
Báıgeden ozyp shyqqanyń.

Jalǵyzdyń úni shyqqan ba,
Sińedi saǵym bulttarǵa.
Tirlikte tireý bolatyn,
Dostyqqa jeter kúsh bar ma?

*** *** *** ***

Ertede jaýyngershilik jıi bolatyn kezde, qazaqtyń eki jaýyngeri tós qaǵysyp dos bolady. Eki dostyń bireýi tutqıyldan tıgen jaý qolyna túsedi. Dosynyń qolǵa túsip qalǵanyn estigen ekinshi batyr kúzdiń qara sýyǵyn elemesten, ózendi maltyp ótip, jaý jatqan jaǵaǵa keledi.

— Men qoldaryńa túsken bir jaýyngerge qun tólep, satyp alýǵa keldim. Meniń aıyrbasqa berer malym, múlkim joq. Bir-aq nárse beremin. Ol — ózimniń ómirim. Dosymdy bosatyńdar, - deıdi.

Qolbasy oılanyp otyryp, ony synamaq bolady:

— Jaraıdy, men seni qyrshynyńnan qımaı-aq qoıaıyn. Maǵan sol ómirińniń bir bólshegin ǵana berseń bolady — maǵan eki kózderiń kerek, — deıdi qolbasy, — eki kózińdi oıyp alamyn!

— Ol da bolsyn, kózimdi tezirek al da, dosymdy bosat, — deıdi jigit.

Sóıtip, álgi jaýynger tutqynnan bosaǵan dosynyń ıyǵyna qolyn artyp, zaǵıp kúıi qýanyp, kúlimdep kele jatady. Muny kórgen jaýdyń qolbasy:

— Mynadaı erleri bar halyqty tutqıyldan kelip bas salmasa, betpe-bet urysta jeńý qıynǵa soǵady eken, — dep túıipti.

Men de sizge osyndaı janyn aıamaıtyn, joldasyn jolǵa tastamaıtyn qazaqtyń shyn dostyǵyn tileımin.

Dostyqqa jeter kúsh bar ma?

*** *** *** ***

Bir óte baqýatty qarıa dúnıeden ótip bara jatyp qudaıdan «Qudaı maǵan kishkene ómir bershi» dep jalynyp surapty. Sonda Qudireti kúshti Alla taǵala álgi qarıanyń kózine kórinip:

— Pendem qansha ómir suraısyń? — dese, álgi qart:

— Aǵashtyń japyraqtarymen teń ómir — depti, sonda Qudaı:

— Adamǵa berilgen ómirdiń ózi jetpeıdi japyraqqa — depti.

— Onda qansha butaq bar, sonshama — dese,

— Ol da jaramaıdy, tym kóp, - depti Alla taǵala, sonda álgi qarıa:

— Onda qansha ómir bere alasyz? — dep suraǵan kórinedi, sóıtse:

— Ómirde qansha dosyń bar, sonshama ómir beremin — depti Qudaı. Sonda qarıa kózine jas alyp o dúnıege júrip ketipti. Óıtkeni ol ómirin dos jınaýmen emes, dúnıe jınaýmen ótkizgen eken edi.

Bizdiń halyqta «júz teńgeń bolǵansha, bir dosyń bolsyn» degen maqal sóz bar.

Qadirli dostar, ómirde dosyń joq bolǵansha, ómir súrmegen jaqsy, dúnıe artta qalar, al dosyń bar bolsa, sen máńgi baqı ómir súresiń.

*** *** *** ***

Keıde bizdi jipke baılap súıretedi.
Keıde salsa aısyqpaıtyn qıyndyqqa,
Keıde bizdi qýanyshqa bóletedi.
Dostarym kóp bolsa kóp demeımin.
Barlyǵy armanyna jetse deımin.
Aq, adal dostarymnyń arasynda
Seni de oınap-kúlip júrse deımin.

*** *** *** ***