InfoHub Logo

Nursultan Nazarbaev «Strategıa-2050» atty halyqqa joldaýynda ekologıanyń jańa satysyna, ıaǵnı jasyl el baǵytyna kóshýdi jeteldetýdi shaqyrǵan bolatyn. Aıta ketsek, ekologıalyq problemalardyń kóptegen faktorlaryn aldyn alýyna tıimdi joldardyń biri: energıany kún sáýlesinen alý, kóshelerdegi faýnalardy kóbeıtý, al eń bastysy oqýshylar men jasóspirimderge ekologıalyq tárbıe berý bolyp tabylady.

Ekologıalyq tárbıe Qazaqstandaǵy kókeıkesti máselelerdiń biri bolyp tabylady. Onyń ústine EXPO-2017 jahandaný saıasatynyń alǵysharty ekeni belgili. Jalpy ekologıalyq tárbıeniń qazirgi tańdaǵy maqsaty: jastardyń qorshaǵan orta men tabıǵat aıasyna nemquraıdy qaramaı, tazalyqtyń mańyzyn jete túsindirý, oqýshylardyń boıynda ekologıalyq mádenıettiń daǵdyǵa aınalýyna járdemdesý, eńbek arqyly tabıǵatty kútip ustaý.

Ekologıalyq tárbıe berýdiń mektep oqýshylaryna tárbıe saǵaty retinde ótilýi, jastardyń ekologıaǵa, tabıǵatqa degen qozqarastarynyń jaýapkershilik sezinýine yqpal jasaýyna sebepshi bolýy tıis. Ekologıalyq tárbıeniń oqý tárbıesimen tyǵyz qarym-qatynasta bolǵanyna baılanysty, eńbek etý arqyly tabıǵat resýrstaryn únemdi paıdalana otyryp, ónim qaldyqtaryna salǵyrttyqpen qaramaýǵa tárbıeleý. Tárbıe saǵaty barysynda oqýshylardy ónim óndirý fabrıkalarymen, zaýyttarmen tanystyra otyryp, sol shyǵarylǵan ónimderdi durys paıdalanýǵa úıretý muǵalimniń mindeti bolyp tabylady.

Oqýshylardyń aýylsharýashylyq eńbekpen aınalysýdyń da mańyzy jaıly aıta ketken jón. Mysaly tal otyrǵyzýdan bastap, kóshe aýlasyn tazartý jumystaryna belsene qatysý. Sonymen qatar qazirgi tańdaǵy keń taraǵan ekologıalyq apattardyń sıpatymen tanystyra otyryp, qaýipsizdik sharalaryn praktıka júzinde oqytyp úıretý.

---