InfoHub Logo

Bilim berý salasy: «Qatynas»
Uıymdastyrylǵan oqý is-áreketi: Til damytý
Taqyryby: Dostyq belgisi
Maqsaty: Dostyq belgisi degen uǵymdy óz oıynan aıta otyryp óziniń ishki jan-dúnıesimen bólise bilýin qalyptastyrý. Bastaǵan isterin aıaǵyna deıin jetkizýge, bir-birine aqyl keńes berip birlese sheshimge kele bilýge baýlý. Ertegini aıaǵyna deıin oryndap, keıipkerlerdi minezine saı daýys yrǵaǵyn, únin keltirip obrazǵa ene bilýge úıretý.
Balalardy dostyq qarym-qatynastaryn, bir-birine degen syılastyǵyn arttyrý. Óz oıynan týyndaǵan qıaldy tárbıeshimen pikirlese bilýge tárbıeleý.Maqal ósıet sózderdi qoldana otyryp, jaqsy-jamandy ajyrata bilýge tárbıeleý. Ertegini oınaýǵa qyzyǵýshylyǵyn arttyrý.

Ádis-tásilderi: Suraq-jaýap, pikirlesý, maqal, ósıet sózder aıtý, tańǵajaıyp sát.
Qajetti kórnekilikter: Ústel – ústi teatryna arnalǵan ańdardyń betperdeleri. Kishi kóne úıshik,ádemi úlken úıshik,plakattar, ulttyq kıimder.

«Dostyq jyry» óleńi aıtylady.
Tárbıeshi: - Balalar, bul óleń ne týraly aıtylǵan?
Balalar: - Bul óleń dostyq týraly aıtylǵan.
- Ia, bul óleńde ár eldiń, ulttardyń dostyǵy týraly aıtylǵan. Balalar, sender dos degendi qalaı túsinesińder?
- Dostar birin-biri aldamaıdy, birin-biri renjitpeıdi.
- Dostar bir-birine kómektesedi.
Tárbıeshi: - Endeshe, sender dostaryńnyń qandaı bolǵanyn qalaısyńdar?
Gaýhar: - Men dosymnyń ótirik aıtpaıtyn shynshyl bolǵanyn qalaımyn.
Nurgúl: - Men dosymnyń adal, meıirimdi bolǵanyn qalaımyn.
Maqsat: - Al, men dosymnyń aqyldy, namysty bolsa eken deımin.
Tárbıeshi: - Balalar, senderdiń dostaryń bar ma?
Balalar: - Biz bárimiz dospyz.
Tárbıeshi: - Nelikten olaı oılaısyńdar?
- Biz topta bárimiz tatý-tátti oınaımyz. Álemdegi bar adamǵa tek jaqsylyq oılaımyz.
- Biz birge oınaımyz, birge oqımyz, bir-birimizdi renjitpeımiz.
- Jaraısyńdar, balalar, sender aqyldy, adal dos ekensińder.

Balalar sheńberge turady.
Qol alysyp káne biz,
Dostasaıyq bárimiz.
Tilegim kóp sizderge,
Tek turyńdar sheńberge
Qandaı jaqsy bir turý,
Dostarmenen bir júrý

Tárbıeshi: - Balalar, biz qaıda jınaldyq?
Balalar: - Biz dostyq sheńberine jınaldyq.
- Adamdar sheńberge turǵandy nelikten jaqsy kóredi?
- Óıtkeni sheńberdiń buryshy bolmaıdy.
- Óıtkeni baqyt, qýanysh, dostyq adasyp qalmaıdy.
- Olar mindetti túrde ózderin kútken barlyq meıirimdi adamdarǵa kezdesedi.
(Osy kezde jylaǵan balanyń daýysy estiledi)

Tárbıeshi: - Balalar, bir sát tynyshtalaıyqshy, jylaǵan balanyń daýysy estiletin sıaqty.
Bala kiredi.
Tárbıeshi: - Balaqaı, sen kimsiń?
Bala: - Meniń atym Bekzat.
- Al sen nege jylap tursyń?
- Meni dostarym ózderimen birge oınatpaıdy.
- Nege oınatpaıdy? Múmkin sen olardy renjitken bolarsyń?
Osy kezde topqa bir qyz bala kiredi.
- Ia, ol óziniń jańa oıynshyǵyn bizge oınaýǵa bermedi.
- Bekzat, seniń renjýińniń reti joq. Sen óz oıynshyǵyńdy olarǵa oınaı turýǵa bermepsiń. Ondaı qyzǵanshaq bolmaý kerek.
Jansaıa: - Apaı, biz Bekzatqa ózimizdiń biletin maqal, ósıet sózderimizdi aıtyp bereıik. Dosym kóp bolsyn deseń,
Aıtpa jalǵan eshqashan,
Shynshyl bol, árqashan.
Dáýlet: Dos bolsań berik bol, dosyńa serik bol.
Azatgúl: Dosyń úshin doly boranǵa da shyda.
Ýalıhan: Kel Bekzat, bizdiń dostyq sheńberimizge qosylyp, bizben dos bol.
Bekzat: Rahmet, men de sendermen dos bolaıynshy.
Balalar bári otyrady.
Tárbıeshi: - balalar, sender qalaı oılaısyńdar, dostyq qarym-qatynas tek adamdar arasynda ǵana bolady dep oılaısyńdar ma?
Perızat: Joq, dostyq tek adamdar arasynda ǵana emes ańdardyń, jan-janýarlardyń arasynda da bolady.
Tárbıeshi: Bekzat,sen baıqadyń ba? Perızat óte durys aıtty. Qane, balalar, ańdardyń, jan-janýarlardyń dostyǵy týraly kim ne biledi?
Aqnur: Apaı,siz ótkende aıtqan ertegide aıý qıratyp alǵan úıdi dostary birigip úlken etip saldy ǵoı.
Tárbıeshi: Osy «úıshik» ertegisin bárimiz bilemiz be?
Balalar: Árıne bilemiz.
- Endeshe, biz osy ertegini myna stol ústindegi ańdardyń betperdesimen keıipkerlerge bólinip alaıyq. Qane kim ne bolǵysy keledi?

Balalar bólinip barlyǵy «úıshik» ertegisiniń jelisi boıynsha oınaıdy.
Tárbıeshi: - Mine, balalar, bizder ormandaǵy ańdardyń dostyǵyna kýá boldyq. Bilesińder me, tabıǵattyń da ásem kórinisi dostyq belgisine uqsas kele me?
- Ia, biz ony kempirqosaqtyń keremet kórinisinen bilemiz.
- Ia, boıaýlar dostyǵynyń keremetin kempirqosaqtan bilemiz. Endeshe, bizde boıaýlar tústerimen bir-birimizge degen dostyq sezimimizdi bildireıik.
Balalar: - Men aq bulttar sıaqty adamdardyń bir-birine nıeti aq bolsa deımin.
- Men jasyl tús – shóp sıaqty Jer-Anaǵa kórik berer edim.
- Men qyzyl raýshan gúli sıaqty aınalama hosh ıis bergim keledi.
- Elimizdiń kók baıraǵyndaı bıikte jelbirep, dostyǵymyz arta berse eken deımin.
- Men kún sıaqty dostaryma jyly shýaq syılaǵym keledi.
- Talabymyz taýdaı bıik bolsa eken deımin.
- Men beıbitshilik qusy kógershin sıaqty barsha halyqqa dostyq, yntymaq tileımin.
Osy kezde «Aq kógershin» áni oınalady. Kógershin kelip qonady.
Tárbıeshi: Mine keremet, bizdiń tobymyzǵa muhıttyń ar jaǵynan kógershin de ushyp jetipti. Balalar, kógershinniń aýzynda hat bar sıaqty. Bul hatta jaqsy tilekter jazylǵan eken. (Hatty oqıdy)
Tárbıeshi: Tilegińe kóp rahmet, aq kógershin! Bizdiń balalar, apaılarǵa arnap «Dos bolaıyq bárimiz» ánin oryndaıdy.