InfoHub Logo

Taqyryby: «Kóılekti áshekeıleý»
Maqsaty: Sýret salýda, baılanystyryp sóıleýde, bilimdiligin arttyrý. Telearnada kórsetilgen baǵdarlama arqyly balalardyń estetıkalyq, adamgershilik sezimderine syn kózben qaraýǵa tárbıeleý. Uqyptylyqqa, ádemilikke tárbıeleý. Balalardyń jeke qabiletin, shyǵarmashylyq qabiletin, oı-óristerin, este saqtaý, sezim, tanymdyq qabiletterin arttyrý.
Ádis-tásilderi: Túsindirý, kórsetý, suraq-jaýap, telebaǵdarlama kórsetý.
Kórnekiligi: «Erketaı» baǵdarlamasyna saı bólme bezendirilgen, daıyn kóılektiń jobasy, gýash, sán úlgileri, balalardyń qyzyqty sáttegi sýretteri.
Teledıdardan «Erketaı» telebaǵdarlamasy kórsetiledi.

Sálem dostar! Búgingi «Erketaı» telebaǵdarlamasynda ár eldi mekennen kóptegen hattar kelýde. Onda ár balanyń ózderi salǵan sýretteri jiberilgen. Myna bir hatty oqyp jibereıin. Qyzylorda oblysy, Áıteke bı kenti №7 «Baldyrǵan» balabaqshasynyń eresek tobynda Perızat, Azamat, Juldyzhanym atty búldirshinderdiń sýretteri jiberilgen.
Myna sýretti Azamat degen búldirshin jibergen. Juldyzhanym shyrshanyń sýretin salyp jibergen eken. Al myna kóılektiń sýretin Perızat esimdi qyz jiberipti. Men bul balalardyń sýretterin «Erketaı» baǵdarlamasynyń jeńimpazy bolǵanyn aıtqym keledi, sizderdiń sýretterińizdi asyǵa kútemiz.

Tárbıeshi: Mine, tamasha! Jaraısyńdar, balalar! Senderdiń salǵan sýretteriń «Erketaı» baǵdarlamasynyń jeńimpazy bolyp jatyr.
Balalar: Alaqaı, alaqaı! Biz jeńimpaz atandyq!
(Osy kezde esik qaǵylady. )
Salamatsyzdar ma, balalar! Men «Erketaı» baǵdarlamasynan kelip otyrmyn. Ótken aptanyń qorytyndysy boıynsha osy balabaqshanyń búldirshinderi jeńimpaz atanǵan edi. Osy búldirshinderdi «Erketaı» baǵdarlamasynyń daıyndaǵan alǵys hatyn óz qolymmen tapsyrýǵa keldim. Taǵy da ádemi salynǵan sýretterińizdi asyǵa kútemiz. Árdaıym bıikterden kórine berýlerińizge tilektespin!
Tárbıeshi: Rahmet, sizge Mıra Aldamjarqyzy, bizdiń qurmetti qonaǵymyz bolyńyz!
Al endi, jeńimpazdarymyzǵa sóz bereıik. Al, Azamat sen salyp jibergen sýretiń týraly ne aıtasyń?
Azamat: Men zymyrannyń sýretin salyp jiberdim. Óıtkeni men óskende ushqysh, ǵaryshker bolǵym keledi. Zymyranmen aıǵa barǵym keledi. Men ǵaryshker týraly taqpaq ta bilemin.

Aspan, aspan, araılym
Saǵan jıi qaraımyn.
Seni kózben sholamyn,
Men ǵaryshker bolamyn!
Sondyqtan zymyrannyń sýretin salyp Erketaıǵa jiberdim.

Tárbıeshi: Jaraısyń, Azamat! Endi Juldyzhanymǵa sóz bereıik.
Juldyzhanym: Maǵan Jańa jyl merekesi óte qatty unaıdy. Shyrshanyń ártúrli shamdary, ádemi kıingen balalar, Aıaz Ata, Aqshaqardy unatamyn. Men Jańa jyldy jyl saıyn asyǵa kútemin. Sol úshin de, Jańa jyldyń sýretin salyp Erketaıǵa jiberdim.
Tárbıeshi: Jaraısyń, Juldyzhanym! Endi Perızat ne deıdi eken?
Perızat: Men anamdy óte qatty jaqsy kóremin. Anam maǵan ádemi kóılek, úlken qýyrshaq alyp berdi. Jaqynda anamnyń týǵan kúni boldy. Osy sýretti salyp týǵan kúnine syıladym. Anam qatty qýandy. Osy sýretti erketaıǵa jiberdim. Men ózim kóılekti ádemilegendi jaqsy kóremin. Óskende dızaıner bolǵym keledi.
Tárbıeshi: Rahmet, Perızat! Sen dızaıner degendi qalaı túsinesiń?
Perızat: Dızaıner degen kóılekti ádemileý.
Tárbıeshi: Jaraısyń, Perızat! Talabyń órleı bersin!
- Balalar, dızaıner degen kóılek tigý úshin joba jasaıtyn adam. Dızaıner kóılekti tikpes buryn, kóılektiń jobasyn qaǵaz betine túsiredi. Sol joba boıynsha tiginshiler kóılekti tigedi. Balalar sender tiginshi týraly ne bilesińder?
Jansaıa: Álıa kınosyndaǵy Álıa kóılekti ádemi tigedi.
Tárbıeshi: Álıa qaıda jumys isteıdi?
Jansaıa: Álıa tigin sheberhanasynda jumys isteıdi.
Tárbıeshi: Endeshe, balalar, bizdiń qalamyzda da tigin sheberhanalary bar. «Aıajan», «Ásem-aı» «Ádemi» salondary jumys jasaıdy. Balalar bizdiń búgin bizge «Ásem-aı» tigin salonynan tapsyrys kelipti. Bizge kóılektiń jobasyn berip jiberipti. Balalar kóılektiń jobasyn qalaı ásemdeýge bolady?
Ýalıhan: Akvarel boıaýmen ádemi gúl, pishindermen ádemileýge bolady
Tárbıeshi: Ýalıhan sen óte durys aıttyń. Al, balalar, búgingi sýret oqý is-áreketimizde sýret salýdyń jańa jolymen tanysamyz. Biz búgin gýashpen, kartoppen jumys jasaımyz. Bizdiń aldymyzda ártúrli pishindegi kartop pen gýash bar. Osy daıyn kartopty gýashqa batyryp, myna kóılektiń jobasyna basyp ádemileımiz. (Salý joldaryn túsindirý)
Endi bárimiz kóılekti ásemdeıik. ( Balalardyń jumysy)

Boı sergitý jattyǵýy:
Boıdy búkpeı tik usta,
Erkin turyp tynysta,
Jaı oń qoldy oń jaqqa
Jaı sol qoldy sol jaqqa
Qoldy aınaldyr buldanbaı
Eki sheńber syzǵandaı
Sál tynyǵyp baıqa da,
On shaqty ret qaıtala
Balalardyń jumysyn taldaý:

Tárbıeshi: Mıra Aldamjarqyzy, balalardyń jumysynan ózińizge unaǵan kóılekti tańdap alyńyz.
- Balalar, bárińde kóılekti ásemdedińder, óte qyzyqty boldy. Endi, Mıra apaılaryń senderge múltfılm alyp kelgen eken, sony tamashalaıyq.
(Balalar mýltık tamashalaıdy)
Mıra: Balalar, senderge mýltık unady ma?
Balalar: Unady.
Mıra: Endeshe, kelesi kezdeskenshe saý bolyńdar! Sýretterińdi asyǵa kútemiz.