InfoHub Logo

Ózin - ózi» taný uıymdastyrylǵan oqý is - áreketiniń jospary
Bilim berý salasy: «Tanym», «Densaýlyq»
Taqyryby: «Dostyq tatýlyqtan bastalady»
Qundylyq: Dostyq, durys áreket.
Qasıetter: tatýlyq, syılastyq
Resýrstar: (quraldar, málimetter)
Uıymdastyrylǵan oqý is - áreketiniń maqsaty:
«Dostyq» qundylyǵy týraly túsinik berý
Mindetteri:
- Dosyn qadirleı bilýge úıretý;
- Dosyna adal bolýǵa tárbıeleý;
- Dosyna qıanat jasamaýǵa úıretý.
Resýrstar:
Taqyrypqa baılanysty mazmundy sýretter, júreksheler
Uıymdastyrylǵan oqý is - áreketiniń barysy:

2. Uıymdastyrý kezeńi
- Balalar, oqý is - áreketin bastamas buryn sheńberge turyp, qolymyzǵa júrekshelerimizdi alyp, bir - birimizge jyly lebizimizdi bildireıik.
Shattyq sheńberi
Sálemdesý
Biz baldyrǵan teń basqan!
Dos qushaǵyn keńge ashqan!
Tilegimiz ádildik!
Ashyq bolsyn keń aspan!
Dostyq - ómir tiregi,
Dostyq - ár adamnyń tilegi.
Tatýlyq dáıim saqtalsa,
Qýanyshpen soǵady ár adamnyń júregi.
Tynyshtyq sáti.
A. Eńsepov «Balalyq shaq» áýeni

2. Ótken materıaldy pysyqtaý.
- Balalar, ótken oqý is - áreketimizde biz qandaı taqyrypta áńgimeledik?
- Ol áńgimeden sender ne túsindińder?
- Sender dostaryńa qalaı kómektesip júrsińder?
3. Dáıek sóz.
«Dos kóńili sharaına,
«Syndyryp alma abaıla».
4. Áńgimeleý (suhbat)
- Balalar, búgingi oqý is - áreketinde biz «Dostyq tatýlyqtan bastalady» taqyrybynda áńgimelesemiz.
- Balalar, senderdiń dostaryń kóp pe?
- Dostaryńmen tatýsyńdar ma?
- Men búgin senderge V. Sýhomlınskııdiń «Áınek - adam» atty áńgimesin oqyp beremin. Muqıat tyńdaıyq.
Bir balanyń tıtimdeı dosy - Áınek – adamy boldy. Ózi móp - móldir. Bir ǵajaby; qasıetti Áınek – adam dosynyń ne oılaǵanyn, nege muńaıǵanyna deıin bilip qoıady. Bala anasynyń tilin almaı syrtqa oınaýǵa shyqqaly jatsa, - Áınek – adam burynǵydaı móldiremeı, sál - pál kúńgirt tartyp:
- Olaı etýge bolmaıdy, áýeli isińdi tyndyr. Oınaýǵa sodan soń shyq,- deıdi.
Bala uıalyp qalady. Dereý jumysqa kirisedi. Jumysyn bitirgen soń, syrtqa shyǵady. Áınek - adam úndemeıdi. Biraq qaıtadan móp - móldir túske enedi.
Birde balanyń aýlada birge oınaıtyn joldasy aýyryp qaldy. Bir kún ótti, eki kún ótti. Bala dosyn esine almady. Áınek - adamyna kózi túsip edi, jaýar bulttaı túnerip ketipti. Kimge jamanshylyq jasap qoıdym, qandaı jaman oı oılap qoıdym,- dep surady bala degbiri qashyp...
- Eshkimge jamanshylyq jasaǵan joqsyń. Jaman oı da oılaǵan joqsyń... Tek dosyńdy umytqanyń bolmasa.
Balany uıat qysty. Dereý aýrý dosynyń úıine tartty. Oǵan anasy syılaǵan bir shoq gúlin, úlken - úlken almalaryn ala bardy.
Áınek – adam osylaı balany naǵyz adam, naǵyz dos bolyp ósýge baýlydy. Ol – balanyń uıat, ary edi.
- Balalar, bul áńgimeden ne túsindińder?
- Bala oıynǵa shyǵarda Áınek – adam nege kúńgirt tartty?
- Bala jumysyn tyndyrǵannan keıin Áınek – adam qandaı túske endi?
- Áınek - adamnyń túsi taǵy nege buzyldy?
- Ol balanyń esine neni saldy?

5. Shyǵarmashylyq jumys, toptyq jumys
- Balalar, jumys dápterlerińdi ashyp, «Dostyq – tatýlyqtan bastalady» degen sýretti boıap, sonan soń sýret boıynsha áńgimelep berińder.

6. Toppen án aıtý.
- Balalar, búgingi oqý is - áreketimiz «Dostyq» týraly bolǵandyqtan, bárimiz birge «Dos bolaıyq bárimiz» ánin oryndaıyq. Sózi: H. Talǵarov Áni: I. Núsipbaev

7. Sońǵy tynyshtyq sáti.
Seken Turysbekovtiń «Kóńil tolqyny» kúıi oınalady.
- Balalar, endi kózimizdi jumyp, búgingi oqý is - áreketin esimizge túsireıik. Búgingi oqý is - áreketinen alǵan qasıetterimizdi júregimizge jetkizip, saqtaıyq. Endi jaılap, kózimizdi ashýǵa bolady.
- Balalar, oqý is - áreketinde barlyǵyń da jaqsy qatystyńdar. Suraqtarǵa durys jaýap berdińder. Búgingi kúnderiń qýanysh ákelsin!