InfoHub Logo

Dúnıetaný páninen quzyrettilikke baǵyttalǵan tapsyrmalar
1 - tapsyrma: Osy mátinmen tanysa otyryp, tabıǵattaǵy sý aınalymynyń nobaıyn syz.
Sý – ǵajaıyp zat. Olaı deýimizdiń birneshe sebebi bar. Sý úsh túrli kúıinde kezdesedi: muz, sý jáne bý.
Sý - tabıǵatta eń kóp taralǵan zat. Jer betiniń úshten eki bóligin sý qabaty alyp jatyr. Qalǵan úshten bir bóligi ǵana qurlyq.
Sýdyń taǵy bir keremeti ol jer betinde únemi tynymsyz aınalysta júretindigi.
Kún sáýlesi qyzyýynan muhıt, teńiz, kól, ózen, sýy býlanyp, aýa qabatyna barady. Topyraqtan, ósimdikterden, janýarlardan da sý bý kúıinde bólinip, aýa qabatyna kóteriledi.
Kózge kórinbeıtin sý býy aýanyń salqyn qabatyna kóterilgende qoıýlanyp, bult túzedi. Bult aýanyń aǵysymen, qozǵalysqa túsedi. Ol jaýyn-shashynǵa aınalyp, qurlyqqa qaıta oralady. Biraq uzaq turaqtamaıdy. Kún qyzdyrǵanda qaıtadan aýaǵa ushyp shyǵady.
Jaýyn-shashynnyń bir bóligi topyraqqa sińedi. Onda ósimdik qoregine aınalyp, qurlyqty jasyl jamylǵysyna oraıdy. Jaıqalyp shópter, buıralanyp, butalar, boı túzep aǵashtar ósedi.

2 - tapsyrma: Ystyq jáne ylǵaldy kúni aýada bý tamshylary kóp. Egerde aýa sýyp ketse, aýanyń bý tamshylarymen ne bolady?

3 - tapsyrma: Adam sýdy óz qajetine, ónerkásip jáne aýyl sharýashylyǵy úshin paıdalanady. Táýiligine 700 lıtrge deıin taza sýdy tutynady. Paıdalanylǵan sý shaıyndy sýǵa aınalady. Ol - lastanǵan sý.
Sýǵa quıylatyn lastaýshy zattar kóp. Solardy kestege jaz.

Lastaýshy zat.

4 - tapsyrma: Sý toltyrylǵan jabyq bótelke túnde muzdatqyshta qaldyryldy. Tańerteń qaraǵanda, bótelkeniń jarylǵany baıqaldy.
Sý qatqanda nege bótelke jaryldy?