InfoHub Logo

Tańerteń uıqyńnan tolyǵymen oıanaý úshin sergitetin dýsh qabyldaǵanǵa eshteńe jetpeıdi. Sonymen qatar, aýyr kúnnen keıin dýshtyń astynda tura turý da janǵa sergektik syılaıdy. Kóptegen adam kúndelikti dýshqa túspese júre almaıdy. Bul tazalyq pen estetıka uǵymdarymen nasıhattalyp, zamanaýı qoǵamda qalypty dúnıege aınaldy. Biraq jıi dýshqa túsý qanshalyqty qajet jáne densaýlyqqa zıan emes pe?

Kóptegen adam dýshqa tazalyq pen estetıkalyq maqsatta túspeıdi. Dýsh olardy tazaraq jáne saý etedi dep senedi, biraq bakterıologıalyq zertteýler muny joqqa shyǵarady.

Eleın Larson (ElaineLarson), ınfeksıonıst-sarapshy jáne Kolýmbıa ýnıversıtetiniń ǵylymı jumystar boıynsha dekannyń orynbasary

2004 jyly jasalǵan zertteýler antıbakterıaldy sabyn, skrab pen basqa da kosmetıkalyq quraldardy jıi paıdalaný paıdasynan góri zıany kóbirek ekenin kórsetken. Olardy paıdalanǵan soń teriniń tabıǵı qorǵanys qabaty jýylyp ketedi, teri qurǵaq ári juqa bolyp qalady. Bul óz kezeginde teri qabatynda mıkrojaryqshaqtar paıda bolýyna qolaıly orta jasaıdy. Mıkrojaryqshaqtar arqyly túrli ınfeksıalar men mıkrobtar kiretin bolady.

Bul tujyrymdy Djordj Vashıngton ýnıversıtetiniń dermatologıa dosenti Brendon Mıchell (Brandon Mitchell) de rastap otyr. Onyń aıtýynsha kóptegen adam dýshty tym jıi qabyldaıdy.

Jeke gıgıenaǵa arnalǵan túrli hımıalyq quraldar paıdalaný arqyly jıi jýyný terini tabıǵı maılarynan aryltady, sonymen qatar adamnyń tabıǵı ımýndyq júıesin qurtady.

Brendon Mıchell

Osy pikirdi qaperde ustaýymyz kerek sıaqty, ásirese antıbakterıaldy quraldarda trıklozan paıdalanylady degen sońǵy janjaldardy eskersek.

Shyn máninde dýshqa qanshalyqty jıi túsý kerek? Dáriger Mıchelldiń pikirinshe, eger másele sizdiń syrtqy kelbetińiz nemese ıisińizge emes — densaýlyǵyńyzǵa baılanysty bolsa — onda aptasyna bir nemese eki ret túsý jetkilikti. Denemizdiń tabıǵı qurylymy kúndelikti tazalyqty qajet etpeıdi — bul kerisinshe zıan keltirýi múmkin.

Árıne, túrli jaǵdaılar bolady, mysaly las ónerkásipte jumys isteıtinder nemese fızıkalyq eńbekpen aınalysatyndar dýshty jıirek qabyldaýy qajet. Biraq mundaı jaǵdaıda da, Brendon Mıchelldiń aıtýynsha, jýynatyn quraldardy kóp paıdalanýdyń qajeti joq. Kir bolǵan jerlerdi ǵana sabyndańyz, sonymen qatar qoltyq asty men ıntım aımaqty ǵana. Gıgıena talaptaryn oryndaý úshin jáne densaýlyǵyńyzǵa zıan keltirip almas úshin osy prosedýralar jetkilikti.

---