InfoHub Logo

Dıdaktıkalyq oıyn
Túsin tanyp, atyn aıt
Maqsaty: Balalarǵa tústerdi ajyrata bilýge daǵdylandyrý.
Kórnekiligi: jemister, qustar, ańdardyń sýretteri
Oıyn barysy: Tárbıeshi stoldyń ústinde birneshe qaǵazdan jasalǵan ártúrli jemistiń qustardyń, ańdardyń sýretin qoıady. Tárbıeshi bir balany taqtaǵa shyǵaryp, soldyń ústindegi sýretterdiń bireýin alyp, neden jasalǵandyǵyn túsiniń qandaı ekendigin, eger jemistiń sýreti bolsa, atap aıtyp berýin talap etedi. Eger taqtaǵa shyqqan bala, atyn ataı almasa basqa balany shaqyryp, oıyndy osylaı jalǵastyra beredi.

Daýsynan tany
Maqsaty: Estý músheleri arqyly balanyń oılaý qabiletin qalyptastyrý daýystardy ajyrata bilýge daǵdylandyrý.
Kórnekilik: Aýdıo dıski.
Oıyn barysy: Tárbıeshi aýdıo dıskini qosady. Balalar tyńdap otyryp dıskidegi daýysty ajyrata bilý kerek.
«Qarama - qarsy sózder»
Maqsaty: Balalarǵa maǵynasy qarama - qarsy sózderdi tabý, úıretý, sózdik qorlaryn molaıtý.
Kórnekiligi: sýretter
Oıyn barysy: Tárbıeshi sýretterdi taqtaǵa ilip qoıady. Tárbıeshi bir balany taqtaǵa shyǵaryp, taqtadaǵy sýretterdiń bireýin alyp, sýrettiń maǵynasy qarama - qarsy sózderin tabýyn suraıdy.

Tanyp al da, atyn ata
Maqsaty: zattyń túr - túsin, pishinin, atyn ataýǵa jattyqtyrý; sózdik qoryn molaıtý; oılaý qabiletin damytý.
Qural - jabdyqtary: ár túrli oıynshyqtar jáne sýretter.
Mazmuny: Balalarǵa ártúrli oıynshyqtardy kórsetý. Ortaǵa bir - bir baladan shaqyryp, bir oıynshyqty alyp, onyń túr - túsin, pishinin, qasıetin anyqtaýdy jáne sol oıynshyq jaıly áńgime quraýdy nemese taqpaq aıtyp berýdi usynady.
«Poezd» qımyl oıyn
Maqsaty: bir - birine, soqtyǵyspaýǵa úıretý, este saqtaý qabiletin arttyrý, damytýdy úıretý.
Oıyn barysy: Belgi boıynsha balalar poezdi júrgizip oınaıdy.

Doppen oınaý qımyl oıyny
Maqsaty: «Joǵary - tómende», «astynda - ústinde», «sol jaqta - oń jaqta» uǵymdaryn túsindirý, sózdik qorlaryn molaıtý.
Kórnekilik: dop.
Mazmuny: 1 - varıant. Balalar eki komandaǵa bólinedi. Jip kerilip, onyń eki ushynan ustap turýǵa bolady.
«Dop tómende» degen buıryq berilisimen eki bala /ár komandadan/ birden dopty jiptiń astynan alyp ótedi de, «dop joǵaryda» degen buıryq berilisimen jiptiń ústinen laqtyrady. Ári qaraı oıyndy oıynshylardyń kelesisi jalǵastyrady. Eshqandaı qate jibermegen komanda utyp shyǵady.

2 - varıant: Balalar sapqa turady. Dop birinshi balanyń qolynda «dop oń jaqta» degen buıryq aıtylǵanda dop oń jaqqa beriledi. «Toqta» degen buıryq boıynsha dopty sapta turǵan balalardyń bireýi ustap qalady. «Dop sol jaqta» degen buıryq boıynsha dop sol jaqqa beriledi. Tapsyrmany dál ári tez oryndaǵan balalar jeńimpazdar atanady.