InfoHub Logo

Eresek toptarǵa arnalǵan uıymdastyrylǵan oqý is - áreketiniń tehnologıalyq kartasy
Bilim salasy: Qatynas
Bilim bólimi: Til damytý
Taqyryby: Eginshilik eńbegi
Maqsaty:Balalardy eginshiler eńbegimen tanystyrý. Dıqanshylardyń eńbegi jaıly áńgimeleý. Eńbek qudiretin túsindirý.
Bilimdiligi: Balalardyń kúz týraly túsinikterin keńeıtip kúz mezgiliniń ereksheligin baqylap, óleńdi jattaý.
Damytýshylyǵy: Balalardyń oılaý qabiletterin damytyp, jańa sózderdiń maǵynasyn túsindirý.
Tárbıeliligi: Tabıǵatty aıalaýǵa, ásemdikti kóre bilýge, tıym sózderdi esten shyǵarmaýǵa, mádenıettilikke, eńbek súıgishtikke tárbıeleý.
Kórnekiligi: Kúz mezgiliniń sýreti, egis alqabynyń sýreti, ydysqa salynǵan nan, tátti nan, un, bıdaı.

Uıymdastyrýshy - qozǵaýshy qyzmet:
Balalardy shattyq sheńberge turǵyzyp, kelgen qonaqtarmen sálemdesip, bir - birine degen jyly lebizderin bildirtý.
Armysyń altyn kún,
Armysyń asyl jer,
Armysyń kók aspan,
Armysyń jan dosym,
Jylýyma jylý qos,
Mine meniń qolym bos.
Tárbıeshi:
- Balalar, men senderge suraq qoıǵym kelip tur. Sender muqıat tyńdap, durys jaýabyn taýyp kórińdershi?
Astyq pisip, oraq túsip,
Qyrman dánge tolady.
Balalarym aıtyńdarshy,
Bul qaı kezde bolady?
Balalar:
- Kúzde.
Tárbıeshi:
- Qazir jyldyń qaı mezgili?
- Kúz mezgili.
Tárbıeshi:
- Kúzde qandaı tabıǵat qubylystary bolady?
Bala: Kún sýytady, jel turady, jańbyr jaýady.
Tárbıeshi:
- Kúz mezgilinde neshe aı bar?
Bala:Kúz mezgilinde 3 aı bar. Qyrkúıek, qazan, qarasha aılary.
Tárbıeshi: Kúz mezgiline baılanysty qandaı óleń - shýmaqtar bilesińder?
1 - bala:
Kók maısaly kórikti,
Alqaptaǵy bul egin.
Bul kúnderi kıipti,
Sary jibek kóılegin.
2 - bala:
Jaıdarly kúz, jarqyn kúz,
Aıaýly kúz, altyn kúz.
Dánge toly el dala,
Darıadaı shalqar kúz!

Uıymdastyrýshy - izdenýshilik qyzmet:
Tárbıeshi:
- Búgin bizdiń ótetin taqyrybymyz «Eginshiler eńbegi». Bizdiń maqsatymyz eginshilik eńbegimen tanysý.
Endeshe biz búgin egistik alqabyna saıahat jasaımyz. Dıqanshy atanyń eńbegimen jaqsylap tanysamyz. Sergitý sátin jasap, kóńilimizdi kóterip, dıqanshy atanyń egistik alqabyna baraıyqshy.
Sergitý sáti:
Jel ýleıdi ý - ý - ý - ý,
Quıyn kelip bıleıdi zý - zý - zý.
Qatty - qatty jel soqty gý - gý - gý,
Japyraqtar qol soqty dý - dý - dý.

Tárbıeshi:
- Mine, egistik alqabyna da kelip jettik.
- Mynaý egistik alqaby. Munda dıqanshylar egin egedi. Egin egetin adamdy - dıqanshy dep ataımyz. Mine dıqanshy ata da júr eken.
- Salamatsyz ba, dıqanshy ata?
- Dıqanshy ata, balalar sizdiń eńbegińizben tanysý úshin keldi. Egistegi atqaratyn qyzmetińizdi balalarǵa tanystyryp, kórsetip jiberińizshi?
Dıqanshy ata:
- Dıqannyń eńbegi - aýyr eńbek. Men erte kóktemde jerdi jyrtyp, bıdaıdyń tuqymyn sebemin. Jaz boıy sepken bıdaı tuqymyn kútip - baptaımyn. Qustardan, qurt - qumyrsqalardan qorǵap júremin. Bıdaı alqaby sýǵarylmaıdy. Ol tek jańbyr sýymen ósedi. Mine qarańdarshy bıdaı alqaby. Úlken eńbek etýdiń arqasynda, osyndaı sary altyndaı sary bıdaı kúzde pisip jetiledi.
Bıdaı: