InfoHub Logo

Qazaq tili. 3 - synyp
Taqyryby: Sóılem músheleri
Sabaqtyń maqsaty: Oqýshylarǵa sóılem músheleri týraly toptastyrylǵan uǵym qalyptastyrýǵa múmkindik týǵyzý; oqýshylardyń óz betimen jumys isteý arqyly teorıalyq oılaýyn, aýyzsha sóıleý tilin damytý; dostyqqa, uıymshyldyqqa, adamgershilikke baýlý.
Sabaqtyń túri: Aralas sabaq.
Sabaqtyń ádis - tásilderi: kórnekilik, suraq - jaýap, ındýksıa, dedýksıa, taldaý, jınaqtaý, toptaý, refleksıa.
Sabaqtyń kórnekilikteri: jeke sýretter, tirek - syzba, oıyn quraldary.
Sabaqtyń barysy: İ. Uıymdastyrý kezeńi: sabaqqa daıarlyq.

İİ. Úı tapsyrmasyn tekserý: 11 - jattyǵý. Suraqtarǵa jaýap jazý. Balalardyń sóılemderin oqýy, taldaýy.

İİİ. Jan - jaqty bilimderin tekserý
- Sóılem degenimiz ne?
- Onyń qandaı túrlerin bilesińder?
- Sóılemderdiń sońyna qandaı tynys belgiler qoıylady?
- Kórnekilikterdi paıdalana otyryp aýyzsha berilgen sózderdi qatystyryp sóılemder qurastyrý. 1. Aýamen, dem, biz, alamyz. 2. Aýa, densaýlyqqa, taza, paıdaly óte. 3. Úıdiń, taza, aýasyn, ár ýaqytta, saqtańdar.

Ú. Jańa bilimdi meńgertý.
Gramatıkalyq tildik jattyǵýlar:
14 - jattyǵýda S. Toraıǵyrovtyń
" Asyl sózdi izdeseń,
Abaıdy oqy, erinbe.
Adamdyqty izdeseń,
Jattap, toqy kóńilge"
óleńdi túsinip, mánerlep oqý, óleńdegi árbir sózge suraqtar qoıylady

Dáptermen jumys.
Kórkem jazý. 15 - jattyǵýdaǵy sóılemderdi kóshirip jazý.
Shekarashylar dep kimderdi aıtamyz? Olardyń biz úshin qandaı mańyzdylyǵy bar? Sender de shekarashylar bolǵylaryń keledi? Nelikten? Mátindegi árbir sózdiń ústine tıisti suraǵyn qoıý.
"Qane oılanyp kórelik " problemalyq suraǵy
- Qalaı oılaısyńdar, sóılemdegi qandaı sózder naqty suraqqa jaýap beredi eken?
- "Sóılemdegi tolyq maǵynaly sózder ǵana naqty suraqqa jaýap beredi".

Erejemen jumys:
" Olaı bolsa, sóılem quramyndaǵy naqty suraqqa jaýap berip turǵan tolyq maǵynaly sózderdi sóılem músheleri deımiz." Erejeni oqý, taldaý, este saqtaý.

Oqýlyqpen jumys.
16 - jattyǵýdaǵy eki sózden quralǵan sóılemderdi tolyqtyryp jazý. Asqar atpen keldi. Dana dop oınady. Qoılar óriste jaıyldy. Qulyn sý ishti. Qyzdar gúl terdi.

17 - jattyǵýda "Málik Ǵabdýllın ǵalym. Uly Otan soǵysyna qatysty. Óziniń erligimen erekshelendi. Oǵan Batyr ataǵy berildi. Soǵystan soń ol halqyna adal qyzmet etti." Mátindi oqý, túsindirý, kórkem etip kóshirip jazý. Ár sóılemde neshe sóılem múshesi bar? Ár sóılemdegi sóz sany men sóılem músheleriniń sany birdeı bolyp kelmeıtinin ańǵartý.

" Kel, maqal qurastyraıyq" oıyny.
Oıynnyń sharty: úsh topqa bólinip, ár top ózderine berilgen sózderden maqal qurastyryp jazady. Qaı top birinshi jáne durys oryndasa, sol top jeńimpaz atanady.
1. Asyraıdy, tiginshi, ınesi.
2. Shákirt, ozar, ustazdan.
3. Jan, jaqsy, semirer, sózge.

Jumbaqpen jumys.
18 - jattyǵý jumbaqty oqyp, maǵynasyna qaraı, sýretke qarap jumbaqtyń sheshýin tabý. Alǵashqy sóılemde neshe sóılem múshesi bar? Ekinshi sóılemde she?

Úİ. Refleksıa: «Bilimdi tizbek» oıynyn oınatý. Oıynnyń sharty: Oqýshylarǵa vagondary joq teplovozdyń sýreti kórsetiledi. Osy teplovozdyń vagondary senderdiń sóılem músheleri týraly biletin derekterińmen sáıkes keledi. Kim sóılem músheleri týraly málimetti kóp bilse, sonyń tirkeý vagondary da kóp bolady. Ár málimet shartty túrde bir vagonǵa teń dep esepteledi degen sózdermen oqýshylarǵa tapsyrma berilip, oıyndy bastaý. Belgili bir ýaqyttan soń toqtatylyp, vagondaǵy málimetter ortaǵa salynyp, jeńimpazdy anyqtaý.

Úİİ. Qorytyndylaý: Tolyqtyrý testi
Tómendegi erejeni tolyqtyr: - Sóılem músheleri degenimiz ne? "Ózin - ózi baǵalaý " paraǵy boıynsha oqýshylar (óz bilimderin árbir berilgen tapsyrmaǵa upaı qoıý arqyly) ózin - ózi baǵalaıdy.

Úİİİ. Úıge tapsyrma
İH. Oqýshylardy baǵalaý