InfoHub Logo

Kúndelikti sabaq jospary, qazaq tili 5 synyp.
Taqyryptar:
61. Ekpin, oı ekpini, sóz ekpini.
62. Tirkes ekpini, dybys ekpini.
63. Fonetıkadan ótkendi qaıtalaý
64. Sózjasam týraly túsinik
65. Leksıkalyq jolmen jasalǵan týyndy sózder

1. Pán aty: Qazaq tili
2. Synyby: 5
3. Kúni, aıy, jyly:
4. Toqsan: IV
5. Muǵalim:
Sabaqtyń taqyryby: Ekpin, oı ekpini, sóz ekpini.
Sabaqtyń maqsaty:
1. Bilimdilik: oqýshylardyń ekpin oı ekpini, sóz ekpini týraly bilimderin keńeıtý, jattyǵý jumystary men qosymsha tapsyrmalar arqyly bekitý.
2. Tárbıelik: oqýshylardy adamgershilikke, eljandylyqqa tárbıeleý.
3. Damytýshylyq: oqýshylardyń ekpin jáne onyń túrlerin ajyrata alý daǵdylaryn arttyrý, deńgeılik tapsyrmalar berý arqyly logıkalyq oılaý qabiletterin arttyrý, taldaý daǵdylaryn arttyrý.
Sabaqtyń tıpi: jańa sabaqty túsindirý
Sabaqtyń túri: dástúrli
Sabaqtyń ádis - tásili: túsindirý, suraq - jaýap, jattyǵý, salystyrý.
Sabaqtyń kórnekiligi: taqyrypqa baılanysty keste, úlestirmeler.
Pánaralyq baılanys: qazaq ádebıeti

Sabaqtyń barysy:
I. Uıymdastyrý kezeńi: 1. Oqýshylarmen sálemdesý
2. Oqýshylardyń sabaqqa qatysyn tekserý
3. Oqýshylardyń zeıinderin sabaqqa aýdarý

IV Jańa sabaqqa daıyndyq
1. Oqýshylarǵa sabaqtyń taqyryby men maqsaty týraly habarlaý
V Jańa taqyrypty túsindirý:
Tildegi sóıleý normasyna tán endigi bir fonetıkalyq qubylys – ekpin. Sóılep turǵanda, bir sóz basqa sózderge, bir býyn basqa býyndarǵa qaraǵanda kúshti, kóterińki aıtylýyn ekpin deımiz.
Ekpin sóz ekpini, oı ekpini, tirkes ekpini, dybys ekpini bolyp bólinedi.

Eki nemese odanda kóp býyndy bir sózdiń ishindegi bir býynnyń kóterińki aıtylýy sóz ekpini dep atalady. Qazaq tilinde sóz ekpininiń orny tıanaqty boldy: ekpin sózdiń eń sońǵy býynyna túsedi. Mysaly: úzdik oqýshylarǵa baǵaly syılyqtar beriledi.

Sóılem ishindegi erekshe kóńil aýdarylýǵa tıisti bolǵan bir sózdi oqshaýlap, bólip aıtý oı ekpini dep atalady. Oı ekpini turaqty bolmaıdy. Óıtkeni bir sóılemdegi kez kelgen sózge erekshe kóńil aýdaryla berýi múmkin.
Mysaly: Atasy búgin aýylǵa keldi. Atasy aýylǵa búgin keldi. Aýylǵa búgin atasy keldi.
Osynda birinshi sóılem atasy aýylǵa kelgenin, ekinshi sóılemde atasy búgin kelgenin, úshinshi sóılemde aýylǵa basqa emes, atasy kelgenin naqtylap habarlaý maqsaty kózdelgen. Sondyqtan tyńdaýshynyń nazaryn oı ekpini túsken sózge aýdarý úshin ol sózdiń qalypty orny basqa orynǵa (baıandaýyshtyń aldyna) aýystyryp qoldanylǵan. Nazar aýdarylatyn sóz sóılemniń basynda ne sońynda, kóbinese baıandaýyshtyń aldynda turady.

Vİ. Túsinik tekserý
• Terme dıktant
1. Tigin fabrıkasynan ákelingen kıimder dúkenderde satyldy.
2. Mektep oqýshylary qus fermasyn aralap kórdi. 3. Ferma jıyrma myń sentner qus etin tapsyrdy. 4. Meniń aǵam avıasıa ýchılıshesinde oqıdy. 5. Meniń tuńǵysh ocherkim aýdandyq gazette jarıalandy.

Vİİ. Jańa sabaqty bekitý
1. Deńgeılik tapsyrmalar:
İ deńgeı
1. Ekpin degenimiz ne?
2. Myna mátinnen sóz ekpinin tap.
Jastardyń búgingi mindeti - oqý, bilim, tárbıe jumystary. Sondyqtan jastardyń jalpy nazary mektepke aýdarylýy kerek.
(Ǵ. Muratbaev)
İİ deńgeı
1. Oı ekpini degenimiz ne?
2 Tómendegi sheshendik sózden oı ekpinin tap.
Bostandyqtyń qadirin
Jabylǵanda bilersiń
Qaltańdaǵy aqshańdy
Qaǵylǵanda bilersiń.
Densaýlyqtyń qadirin
Aýyrǵanda bilersiń.
Aq betińniń qadirin
Qan ketkende bilersiń.
İİİ deńgeı
1. Maqal – mátelder jazyp, maǵynasyn túsindir jáne oı ekpini túsip turǵan sózdiń astyn syz.

VIİİ. Sabaqty qorytý
1. Baǵalaý
2. Úıge tapsyrma:
1. Tasymal týraly túsinik.
2. 334 - jattyǵý.



Tolyq nusqasyn kórý