InfoHub Logo

Ǵalymdardyń aıtýynsha, ómirde belgili bir tabysqa arbaıtyn nárseler men rahattaný sezimimen kúresip, olarǵa qarsylasý tájirıbesimen emes, sol saladaǵy alǵan bilimderge súıený arqyly qol jetkizýge bolady. Basqasha aıtqanda, bizdiń ıgi qasıetterdi qalyptastyrýymyzǵa rýhtyń kúshtiligi emes, arbaıtyn nárselerden aýlaq bolý úshin qazirgi bar jaǵdaılar men aınalany ózgertý qabileti kómektesedi.

Erik-jiger sıaqty qasıetti damytýǵa ne kómektesedi? Erik-jigerdiń anyqtamasynyń ózi shyndyqqa janaspaıtynyna qaramastan, biz ózimizdi baqylap, azǵyrýlar men lázzattyń jeteginde ketpeýge jol asha alamyz. Adamǵa asa qajet osy qasıetti damytý úshin birqatar sharalardy usynamyz.

Qorshaǵan zattarǵa nazar aýdaryńyz

Esh nársege kóńilińiz bólinip ketpeıtin bolsa, erik-jigerińiz jaqsyraq baıqalady. Durys tamaqtanýǵa umtylǵan kezde, kámpıt, táttiler, pıssa jáne býrgerlerdi satyp almańyz. Shylym shegýdi qoıǵysy keletinder kóz aldynda jáne qoljetimdi jerde temeki, kúlsalǵysh jáne osy teris ádetti eske salatyn kez kelgen nárselerdiń bolmaýyna umtylýy kerek.

Qorshaǵan ortamyzdyń bizge tikeleı áseri bar

Dostaryńyzdan tek ómir salty sizdiń ustanatyn nemese ustanǵyńyz keletin ómir saltyńyzǵa sáıkes nemese eń bolmasa qaıshy kelmeıtin dostardy ǵana qaldyryńyz. Osylaısha shekteýli dıetany ustanatyn adamdarǵa ár demalysta ózderin pısserıaǵa shaqyratyndarmen aralasýdyń keregi joq. Dostaryńyzdy ózgertińiz, fastfýdty qoldamaı, sizben durys tamaqtaný qaǵıdalaryn bólise alatyn dos taýyp alyńyz. Ondaı adamdardyń arasynda erik-jigerdi nyǵaıtyp, kózdegen nátıjelerge qol jetkizý ońaıyraq.

Jaqyndaryńyz ben dostaryńyzǵa josparlaryńyz týraly aıtyp berińiz

Munyń aldyńǵy tarmaqtaǵy bólimdegi keńesterge qatysy bar. Jaqyndaryńyz sizge qoldaý bildirgende, jaman ádetterdi tastap, durys tamaqtanýdy, sportzalǵa barýdy bastaý áldeqaıda jeńil bolady.

Barlyq qadamdardy birte-birte jasańyz jáne erik-jigerdi dereý kúsh salmaı nyǵaıtyńyz

Nátıjege birden qol jetkizý múmkin emes. Keıbir aıtarlyqtaı tabystarǵa jetý úshin ýaqyt kerek. Máselen, desertke táttiniń ornyna jemis jeýdi úırenińiz, al tańerteńgilik júgirý uzaqtyǵyn 15 mınýttan bastańyz. Osy áreketterdi oryndaýǵa beıimdelgen kezińizde, kelesi maqsattardy qoıyńyz.

Sizge teris áser etip, eski ádetińizge qaıta basýyńyzǵa sebep bolatyn nárseni anyqtańyz

Nemen aınalysqanyńyzdy jáne erik-jigerińiz álsiregen kezde ne sezingenińizdi qaǵazǵa jazyp otyrýǵa tyrysyńyz. Bul bolashaqta osyndaı qatelikterdi boldyrmaý úshin, teris ádetterge oralýyńyzǵa sebep bolatyn álsizdikterińizdi anyqtaýǵa kómektesedi. Minezińizdiń qaısarlyǵyn qazir kórsetý arqyly, bolashaq salaýatty ádetterińiz ben myqty erik-jigerińizdiń negizin qalyptastyrasyz.

---