InfoHub Logo

Qala jáne aýyl mektepteri arasynda bilim sapasy boıynsha aıyrmashylyq áli de bar. Bul týraly Úkimet otyrysynda Bilim jáne ǵylym mınıstri Erlan Saǵadıev málim etti.

«Orta bilimge toqtalsaq, jańartylǵan bilim mamunyna kezeń-kezeńmen kóshýdi jalǵastyryp jatyrmyz. Osy jyly 1, 2, 5 jáne 7-shi synyptar ótti. Bul rette sabaqtar jańa oqý baǵdarlamasymen, jańa oqýlyqtarmen júrgiziledi. Sonymen qatar synyptardyń 85 paıyzy 5 kúndik oqýǵa tolyǵymen kóshti. Qazirgi ýaqytta gımnazıa men lıseıler tıptik oqý josparyn qarastyrý boıynsha muǵalim qaýymdastyǵy jan-jaqty talqylaýǵa tústi. 70 myńnan astam muǵalim oqýdyń jańa mazmuny turǵysynda biliktiligin kóterdi. 10,11 synyptarda fızıka, hımıa, bıologıany aǵylshyn tilinde oqytý boıynsha qanatqaqty joba bastaldy. Bıyl jáne aldaǵy jyly on myń aǵylshyn tilinde bilim beretin ustazdar til kýrstarymen qamtylady», - dedi mınıstr.

Onyń sózine qaraǵanda, muǵalimder arasyndaǵy jastar sany kóbeıip keledi. 2016 jylmen salystyrǵanda jas ustazdar úlesi 2,5 esege artqan. Biraq kórsetkishi tómen óńirler de bar eken. Osy oraıda Batys Qazaqstan men Qyzylorda oblystarynda jas muǵalimderdiń sany kemshin.

«Qala jáne aýyl mektepteri arasynda bilim sapasy boıynsha aıyrmashylyq áli de bar. Orta bilim sapasyn arttyrý úshin biz EYDU-nyń PISA zertteýine qatysamyz. Bıyl  PISA -2018 zertteýine 65 mektep pen 3 myńnan astam oqýshy qatysty. Ony mınıstrliktiń ózi uıymdastyryp otyr. 2018 jyly PISA óte kúrdeli bolady, ıaǵnı kompúterlik formatta ótedi. Sondyqtan ákimderden aldaǵy jyly mektepterdi tolyqtaı kompúterlendirý úshin jergilikti búdjetten qarajat qarastyrýdy suraımyn», - dedi Erlan Saǵadıev.

QazAqparat

---