InfoHub Logo

Tarıh adamzat balasynyń ónertapqyshtyǵyna toly. Ókinishke oraı, osy progreske jetýde soǵystyń róli zor ekenin de moıyndaý kerek. Qarsylastaryn basyp ozý jolynda birqatar memleket barlyq resýrstaryn eń ozyq qarý túrlerin oılap tabýǵa jumsaýda. Alaıda atalmysh jobalardyń barlyǵy birdeı sátti shyqpaǵan. Nazarlaryńyzǵa İİ Dúnıejúzilik soǵys kezinde oılap tabylǵan oǵash qarýdyń birneshe túrin usynamyz.

Betbomba

İİ Dúnıejúzilik soǵys kezinde AQSH-ta oılap tabylǵan bul qarý Japonıaǵa qarsy qoldaný úshin jasalǵan bolatyn. Qarýdyń árbir snarádynyń ishinde órtegish benzıni bar 40 kádimgi tiri jarqanat ornalasqan. Taımer jarqanattar úıdiń tóbesinen yńǵaıly oryn alǵannan keıin ǵana iske qosylatyn bolǵan.

Tankige qarsy ıt

Keńes úkimetiniń nasıhattamalarynda shamamen 300-ge jýyq nemis tankisiniń ıttiń kómegimen joıylǵany týraly derekter jarıalanǵan bolatyn. Itterdiń denelerine mına baılap, olardy jaýdyń bronetehnıkasyna qarsy jiberetin bolǵan. Mundaı ıtterdi daıyndaý baǵdarlamasy tek 1996 jyly jabylǵanyn atap ótý kerek.

Kaıten

Kaıten torpedalary Japonıa Imperatorlyq Flotynyń arnaıy tapsyrysy boıynsha jasalǵan. Ol nemisterdiń kek alý qarýynyń analogy túrinde daıyndalǵan: soǵys sońyna jetip qalǵandyqtan, qarjysy azaıǵan Japonıa joǵary tehnologıalyq qarý jasaýdan bas tartqan bolatyn. Torpedanyń ishinde ony jaý kemesine qarsy baǵyttap otyratyn 2 jaýynger otyratyn bolǵan.

Iadrolyq artılerıa

Kádimgi ıadrolyq qarý jekelegen qalalardy joıý áleýetine ıe. Sýyq soǵys barysynda AQSH-tyń Energetıka departamenti soǵys alańynda qoldanylýy múmkin taktıkalyq ıadrolyq qarýdyń jańa jobasyn usynǵan bolatyn. 1950-jj. sońynda AQSH-ta «Devı Krokett» atty kishi-girim ıadrolyq oqtumsyqty jibere alatyn vıntovka túrindegi qurylǵy testileýden ótti. Bul qarý maqsatqa saı bolmaı shyqty – ol jaqtas áskerlerge qaýip tóndirýi múmkin dep tanyldy.

Sý asty ushaq tasyǵyshtary

İİ Dúnıejúzilik soǵys barysynda Japonıa Imperatorlyq Floty Sen Toku I-400 sýbmarınalaryn daıyndap shyǵara bastady. Bul sýbmarınalardyń árbiriniń bortynda 3 ushaq ornalastyrý múmkindigi bar bolatyn. Degenmen, atalǵan sý asty kemeleriniń tek úsheýi ǵana shyǵarylǵan bolatyn, sebebi bul joba Japonıa qazynasy úshin tym qymbatqa soqqanymen, dittegen maqsatyna jetpegen kórinedi.

---