InfoHub Logo

Ózińizdi tez qalypqa keltirý úshin tómendegi keńesterimizdi paıdalanyp kórińiz. Olar qarapaıym is-áreketter bolǵanymen, nátıjesin birden baıqaısyz.

Jalpy keıpińiz jaqsy kórinýi úshin durys tamaqtanyp, kóbirek sý ishýdiń mańyzy zor. Sonymen qatar, temeki tartýdy toqtatyp, jaqsy dúnıelerdi kóbirek oılaǵan abzal. Bul, árıne, 10 kún ishinde oryndalmaıtyn baǵdarlama. Dese de, atalǵan tizimniń bireýi bolsyn, sizdiń jarqyn kóńil-kúıińiz ben tartymdylyǵyńyzǵa bir upaı qosary anyq.  Endeshe, iske kirisińiz!

— 1 —

Stomatologqa qaralyp, barlyq tisińizdi emdetińiz. Emdetetin tisterińiz bolmasa, olarǵa arnaıy kásibı aǵartý prosedýrasyn jasatyńyz.

— 2 —

Tisińizdi tek tańerteńgi jáne keshki ýaqytta ǵana emes, árbir tamaqtanýdan keıin tazalańyz. 10 kún ishinde tis shetkasynyń arqasynda tistegi óńezderden tazalanasyz, ol – aýyz qýysy ıisiniń jaǵymdy bolýyna kepil.

— 3 —

Alkogoldi ishimdikterge múldem jolamańyz.

— 4 —

Tuzdan bas tartyńyz. Alǵashynda, eń quryǵanda tuzdy taǵamdar satyp alýdy toqtatyńyz. Tuz aǵzada sý aınalymyn keshiktiredi, sonyń saldarynan kóz astynda qantalaý men qara sheńber paıda bolady.

— 5 —

Kúnde jumystan jaıaý qaıtyńyz. Iaǵnı, úıińizge, eń kemi 40 mınýttaı sergek adymmen júrip jetýge tyrysyńyz. Eger júgirgińiz kelse, júgirińiz. Biraq, arnaıy jattyǵý zaldaryndaǵy júgirme kilemshesinde emes, taza aýada júgirińiz. Taza aýada serýendeý - bet túsin jaqsartady, al azdaǵan kúnge kúıý – bettegi kishigirim kemshilikterdi jasyrýǵa kómektesedi.

— 6 —

Eger sizdiń terińiz problemaly bolsa, onda oramaldyń ornyna betke arnalǵan bir rettik maılyqtardy qoldanýdy ádetke aınaldyryńyz. 10 kúnnen keıin-aq, betińizdiń jaqsarǵanyn baıqaısyz.

— 7 —

Uıqy uzaqtyǵy 7-8 saǵat bolsyn. Uıqyńyz kelmese, smartfon qarap nemese kitap oqymaı, jáı ǵana jatyńyz. Armandańyz, jospar quryńyz, tipti, medıtasıa jasap kórýge bolady, áıteýir, ózińizge demalyp, serigýge múmkindik berińiz.

— 8 —

Dene jattyǵýyn jasaýdy bastańyz. Árıne, erinýińiz múmkin, biraq 10 kúnge ǵana josparlap kórińiz. 10 kúnnen soń, jattyǵý jasaý men jasamaýdyń aıyrmashylyǵyn sezingennen keıin, ony ármen qaraı jalǵastyrý-jalǵastyrmaýdy ózińiz sheshesiz. Kúndelikti jospar quryp qoısańyz, jattyǵýǵa kóp ýaqyt ta ketpeıdi.

— 9 —

Jıirek tamaqtanýǵa kirisińiz. Asyńyzdy ekige bólińiz de, ony kúnine 3-4 ret emes, 6-7 ret bólip jeńiz. Taǵam mólsheri sol qalpynda qalady, biraq, siz 10 kúnnen keıin as mólsherin qysqartyp, azyraq tamaqtaný kerektigin uǵasyz.

— 10 —

Shashtarazǵa baryp, erekshe shash úlgisin jasatyńyz

— 11 —

Barlyq aıaq kıimderińizdi tazalap, jýyp, tiktirý qajet bolatyn jerlerin tiktirip, retke keltirińiz.

— 12 —

Úıińizdiń burysh-buryshyna deıin súrtip, tolyqtaı tazalaý jumystaryn júrgizińiz. Bul amal - sergek uıyqtaýǵa jáne ózińizdi jaqsy sezinýge septigin tıgizedi. 

— 13 —

Tańerteńgisin salqyndaý sýǵa shomylyńyz. Ol - sizge teri sergektigin syılaıdy.

— 14 —

Ár kún saıyn kópten beri baılanyspaǵan dostaryńyzdyń birine qońyraý shalyp otyryńyz. Jaqsy kóńil kúı – jıi kúlimdeýge kómektesedi.

— 15 —

Arqańyzdy tik ustap júrýdi bastańyz. Kúni boıy arqańyzdy tik ustap júre almasańyz, arnaıy korset nemese gadjet satyp alyńyz.

— 16 —

Garderobyńyzdy aqtaryp, ishindegi eń ádemilerin keıinge qaldyrmaı, 10 kún boıy kıip shyǵyńyz. Al kıilmeıtin kıimderińizdi qaıyrymdylyq uıymdaryna ótkizińiz. Igi is – adamdy kıimnen artyq áshekeıleıtinin umytpańyz.

— 17 —

Kúnde keshke kúlip, endorfın qabyldaý úshin jaǵymdy komedıa fılmderin qarańyz. Ol jıi kúlip júrýge, ózińizdi jarqyn sezinýge septigin tıgizedi.

— 18 —

Eger sizge monshaǵa barýǵa bolatyn bolsa, baryńyz.

— 19 —

Bulshyqet pen dene bitimińiz ádemi kórinýi, jaqsy jumys isteýi úshin 10 kúndik massaj qabyldańyz. Ol bosańsytatyn emes, emdik massaj bolýy tıis.

— 20 —

10 kún boıy múldem teledıdar qaramańyz, komedıa fılmderin kórýge bolady :)

---