Ermurat Bápı Toqaev saıasatyn maqtap maqala jazdy, biraq ótkir máselelerdi aınalyp ótti
Májilis depýtaty, burynǵy opozısıalyq jýrnalıs Ermurat Bápı 3 shildede «Eski de, jańa el týraly qısynsyz mıfter» atty maqala jarıalap, qazirgi prezıdent Qasym-Jomart Toqaevtyń saıasatyn jaǵymdy qyrynan sıpattaýǵa tyrysqan. Maqala datnews.info saıtynda shyqty.
Bápı bul jazbasynda Nursultan Nazarbaev kezeńin synap, sol tusta «tártipke» qarsy shyqqandardyń qýdalanǵanyn eske salǵan. Alaıda Qasym-Jomart Toqaev tusynda oryn alǵan saıası qýǵyndar týraly eshteńe jazbaǵan.
Depýtat partıa qurý jeńildedi degen tujyrymyn alǵa tartqanymen, birneshe márte tirkeýden óte almaı júrgen «Alǵa, Qazaqstan» opozısıalyq partıasynyń jaǵdaıyna toqtalmaǵan. Bul partıanyń jetekshisi Marat Jylanbaev 7 jylǵa sottalǵan.
Sondaı-aq Ermurat Bápı BAQ-qa qysym azaıdy degen pikir aıtqanymen, bul tezıs te qoǵamda daý týǵyzdy. Ol maqalada túrmedegi jýrnalıs Dýman Muhammedkárim, ne Kıevte jumbaq jaǵdaıda qaza tapqan «Báse» arnasynyń avtory Aıdos Sadyqov týraly birde-bir sóz qozǵamaǵan.
Saıası sarapshylar Bápıdiń bul maqalasyn bılikke «jaqyndaý» áreketi retinde baǵalasa, keı oqyrmandar ony opozısıalyq kózqarastan tolyqtaı bas tartty dep synap jatyr.
You Might Also Like
-
Iran Islam revolúsıasy Saqshylar korpýsy Áskerı-teńiz kúshteriniń qolbasshysy, brıgada generaly Alızera Tangsırı Ormýz buǵazynyń jabylatynyn habarlady. Bul buǵaz – ǵalamdyq munaı tasymalynyń kúretamyr...
-
Qarjy monıtorıńi agenttigi burynǵy joǵary laýazymdy tulǵalardyń iri kólemde para alý deregi boıynsha tergeý júrgizilip jatqanyn rastady. Qylmystyq iske «Eńbek resýrstaryn damytý ortalyǵy» AQ men «B...
