InfoHub Logo

Esimdiktiń túrleri. Jikteý esimdigi
Qazaq tili 6 synyp
Maqsaty: Esimdik týraly túsinik qalyptastyrý, onyń ishinde jikteý esimdigi týraly jalpy maǵlumat bere otyryp, ereksheligin uǵyndyrý.
Kútiletin nátıje: Esimdik týraly túsinikteri qalyptasady, onyń ishinde jikteý esimdigimen tanysady, erekshelikterin uǵynady.
Pán aralyq baılanys: Ádebıet, ózbek tili, óner
Qoldanylatyn ádis – tásilder: Zymyran suraqtar, oı tujyrymdaý, shym - shytyrman, pantamımo, durys, burys kestesi, óz mıyńdy sýrette
Qoldanylatyn resýrstar: taqta, stıkerler, noýtbýk, kesteler, marker

Uıymdastyrý kezeńi
1. 1 Oqýshylarmen sálemdesý;
1. 2Oqýshylardy túgeldeý;
1. 3Psıhologıalyq ahýal ornatý;
1. 1Muǵalimmen amandasady;
1. 2 Kezekshi sabaqqa kelmegen oqýshylardy aıtady;
1. 3 Zeıinderin sabaqqa aýdarady;

Bilý
Ótilgen taqyryptardy qaıtalaý úshin «Zymyran suraqtar» ádisin qoldaný
1. Zattyń túrin, túsin bildiretin sóz taby.
2. Zattyń sapalyq belgisin, sıpatyn bildiretin sóz taby.
3. Barlyq zattyń, qubylystyń ataýyn bildiretin sóz taby.
4. Jalpylaı nemese jekeleı atalýyna qaraı jalqy, jalpy bolyp bólinetin sóz taby
5. Qaı sóz tabynyń kóptik, jiktik, táýeldik, septik jalǵaýlary bar?
6. Zattyń sanyn, mólsherin bildiretin sóz taby.
7. Qandaı? qaı? degen suraqtarǵa jaýap beretin sóz taby.
8. Qaı sóz taby maǵynasyna qaraı sapalyq, qatystyq bolyp ekige bólinedi?
9. Zattyń dámine, ıisine jáne basqa sıpattaryna baılanysty belgilerin bildiretin sóz taby.
10. Qansha? neshe? degen suraqtarǵa jaýap beretin sóz taby
11. Zattyń retin bildiretin sóz taby
12. Kim? ne? kimder? neler? degen suraqtarǵa jaýap beretin sóz taby
13. Maǵynasyna qaraı derekti, dereksiz bolyp bólinetin sóz taby
14. Maǵynasyna qaraı 6 túrge bólinetin sóz taby
15. neshenshi? nesheý? tárizdi suraqtarǵa jaýap beretin sóz taby

Túsiný
Biz qandaı sóz taptarymen tanystyq? (Zat esim, syn esim, san esim)
Zat esim, syn esim, san esim ornyna qoldanylatyn sóz tabyn qalaı ataımyz?(Esimdik)

Uıyqtap jatqan júrekti án oıatar
Onyń tátti oralǵan máni oıatar (Abaı)
Bir shaldyń tórt uly bar
Birde shal sol uldaryn jınapty
Mektebimizde bilgirler saıysy bolady.
Bul saıysta biz jeńemiz.
«Oı tujyrymdaý» ádisi

Zat esim, syn esim, san esimniń ornyna júretin sóz taby esimdikter keıde orynbasar sózder dep atalady.
Esimdikter maǵynasyna qaraı 7 topqa bólinedi.
1. Jikteý
2. Silteý
3. Suraý
4. Ózdik
5. Jalpylaý
6. Bolymsyzdyq
7. Belgisizdik
Belgili bir zattyq uǵymmen baılanysty qoldanylatyn esimdikterdiń túri jikteý esimdigi dep atalady.
Jikteý esimdiginiń úsh jaǵy, jekeshe kópshe túri bar
Birinshi jaq - aıtýshy, sóıleýshi jaq, ekinshi jaq – tyńdaýshy jaq. Bular adamǵa baılanysty ataýlar, sondyqtan kim? degen suraqtarǵa jaýap beredi. Úshinshi jaq – bógde jaq. Ol adamǵa, adamnan basqa da zatqa baılanysty bola beredi. Sondyqtan kim? ne? degen suraqtarǵa jaýap beredi.

Qoldaný
170 - jattyǵý. Zat esimdi jikteý esimdigimen almastyryp kóshirip jazyńdar.

„Shym – shytyrman“ ádisin qoldaný
Árbir top 2 mınýt kóleminde óz plakattaryna birneshe esim sózder jazady. Plakatqa jazylǵan sózder daıyn bolǵan soń, toptar bir – birleriniń jumystaryn aýysady, plakatqa jazylǵan sózderdi oqyp, esterine saqtaıdy. Esterinde saqtalǵan sózderdi paıdalanyp 2 mınýt kóleminde jikteý esimdigin qatystyryp sóılemder quraıdy. Sońynda bir - biriniń jumysyn tekseredi.

Sergitý sáti
«Pontamımo» ádisin qoldaný
Ár top ózderi kelisip bir janýardyń áreketin qımylmen beıneleıdi, kelesi top tabý kerek

Mátinmen jumys
Oqýshylarǵa aýdıo mátin tyńdatylady
Durys, burys kestesin toltyrý

İ top. 1, 2 sóılemdi jazady
İİ top. 3, 4 sóılemdi jazady
İİİ top. 5sóılemdi jazady
Taldaý Berilgen sóılemder ishinen jikteý esimdigi qatysqan sóılemderdi tabý, olardyń qaı jaqta, qaı septikte turǵanyn anyqtaý, quramyna qaraı taldaý jasaý.
Meniń – jikteý esimdigi, İ jaqta, ilik septiginde tur, quramyna qaraı dara, tulǵasyna qaraı negizgi
Ol – jikteý esimdigi, İİİ jaqta jekeshe, ataý septiginde tur, quramyna qaraı dara, tulǵasyna qaraı negizgi
Seniń – jikteý esimdigi, İİ jaqta, jekeshe, ilik septiginde tur, quramyna qaraı dara, tulǵasyna qaraı negizgi
Saǵan – jikteý esimdigi, İİ jaqta, jekeshe, barys septiginde tur, quramyna qaraı dara, tulǵasyna qaraı negizgi.

Jınaqtaý
«Óz mıyńdy sýrette» ádisin qoldaný
Baǵalaý
Oqýshylardyń sabaqqa qatysýyna qaraı jetondar berip otyramyn. Sabaq sońynda jınaqtaǵan jetondaryna qaraı baǵalanady.
Refleksıa
«Bes saýsaq» tásili
Bas barmaq - basty másele. Búgin sabaqta eń qundy másele qandaı boldy?
Balaly úırek – birlesý. Men topta qalaı jumys jasadym? Kimge kómek berdim?
Ortan terek – oılaný. Men búgin qandaı bilim aldym?
Shyldyr shúmek – shynaıylyq. Sabaq maǵan unady ma? Nelikten?
Kishkentaı bóbek – kóńil - kúı ahýaly. Men sabaqta ózimdi qalaı sezindim?

№20 jalpy orta mektebiniń
qazaq tili men ádebıeti páni muǵalimi
Manapova Sevara Alıhanovna