1. ESKİ SHAHAR
Eski shahar - tań dúnıe,
Salar bolsań nazaryń,
He kóresiń?
Kóresiń -
Maıdan saıyn mazaryn.
Mazar saıyn myń sopy
Saýlatyp turǵan ǵazalyn.
He kóresiń?
Kóresiń -
Mólıgen meshit ajaryn.
Meshit saıyn san molda
Ańyratyp turǵan azanyn.
He kóresiń?
Kóresiń -
Yńyl-jyńyl bazaryn -
Búlkildetip ár jerde
Qaınatyp jatqan qazanyn.
He kóresiń?
Kóresiń...
Toqtaıyn, talar nazaryń!

2. ARBAKESH
Yńyldaıdy arbakesh,
Arbańdaıdy arbasy.
Yrǵalady ol, yrǵalad
Astyndaǵy jorǵasy.
Qoınynda bar qaýyny,
Qolynda qyzyl almasy.
Kulaqqa gúl qystyrǵan,
Bergen shyǵar qarǵasy.
Saǵyzdaı sozar sálemin,
Qarsy kelse moldasy.
Meshit kórse, mólıed
Turǵandaı tónip Allasy.
Óte berse orystyń
Búlkil bókse marjasy -
Yńyldaıdy arbakesh,
Arbańdaıdy arbasy!

3. ÁIEL
Párenji úste - biteý qap,
Betinde perde - shimbeti.
Shimbetiniń astynda
Gúl shyraıly shyn beti.
Jelpine almaı, jamylyp,
Byrshyp turǵan ter beti.
Shańyraq syrǵa qulaqta,
Mólt-mólt etken merýerti.
Zámzám quıǵan qutydaı
Domalanǵan kelbeti.
Tarta berý tympıyp -
Kóshede onyń mindeti.
«Aǵýzy billehı, áıelge
Mutlaq haram er beti».
Túrkistannyń taqsyry-aı,
Qudiretten kúshti-aý qudireti.

---