InfoHub Logo

Orskide (Jamanqala) turatyn tatar baıy Bornachev Troıskide turatyn bashqurt Zeınýlla qaziretti qonaqqa shaqyryp, birneshe kún syılaıdy. Ishan otyrǵan úıge kisi kirgizbeıdi, kelgen kisilerdi basqa úıge kirgizip, sol jaqtan jóneltedi. Munysyna qazaqtar narazy bolyńqyraıdy.

Ishanǵa sálem berýge bir kúni Esmaǵambet kelse, Bornachevtiń malaılary ıshan otyrǵan úıge jibermeıdi. Esmaǵambet omyraýlatyp kirmek bolady. Baıdyń malaılary Esmaǵambetti shyǵarýǵa aınalady. Sol kezde Esmaǵambet:

— Oıbaı, oıbaı! Men ne jazdym, Qudaı! Bashqurtymdy bermeıdi, Qazannan kelgen noǵaı... — dep aıqaılapty. (Bashqurtymdy bermeıdi dep júrgeni — Zeınýlla jas kezinde kedeı, eshkimge qadiri joq kezinde jappas Jarasbaı baımen birge qajyǵa baryp, sonan qaziret atanady).

Daýysty úıde otyrǵan Zeınýlla tanyp, úıge shaqyrtady. Bornachevtar uıalyp qalady.

 

---