InfoHub Logo

Jaǵalbaıly Otarbaı qajy Qondybaev sońǵy kezde bıdaı saýdasynyń qyzyǵyna túsip, kelgen qonaqpen isi bolmaıdy eken. Qonaq meımanhanada otyra beredi de, baıdyń ózi dalada bireýden bıdaı alyp, bireýge bıdaı satyp, sapyrylysyp jatatyn ádet shyǵarypty. Bul ádet elge ersi kórine bastaıdy.

Bir kúni Esmaǵambet kelip qonsa, Otarbaı óziniń eski ádetin istep, dalada sabylyp júredi.

— Maǵan saraıdan tańdap úsh bıdaı ákep ber. Birinen biri úlken bolsyn, — deıdi baıdyń inisi Seıitjanǵa Esmaǵambet.

Seıitjan aıtqanyndaı úsh bıdaı ákep beredi. Tamaq pisken kezde Otarbaı úıge keledi. Sol kezde Esmaǵambet:

— Atańa rahmet, aq bıdaı, Adam atany beıishten shyǵardyń! — dep tós qaltasyna salady.

— Spasıba, qobań bıdaı, Jamanshalovty túrmege japtyrdyń! — dep ony ekinshi jaq tós qaltasyna salady.

— Qasıetińdi .... qyzyl bıdaı, Otarbaıdy áli kúnge úıinde otyrǵyzyp qoıdyń, — dep úsh bıdaıdy sógip laqtyryp jiberedi.

Osydan keıin Otarbaı uıalyp, óz ádetin túzetipti.

 

---