Qýdyń ókpesi
Buryn bir qý jigit óziniń eki joldasyn úıine shaqyrypty. Osy ekeýiniń amalyn bir baıqaıyn degen qý jigit tabaqqa ortasyna maı quıylǵan, bórttirgen tary saldyryp ákelip qoıǵan eken. Eki qonaq ortadaǵy maıdan qosyp jeı almaı, biraz daǵdaryp qalypty. Sonda olardyń bireýi qasyndaǵy serigine ókpesin aıtqan bolyp:
— Talaı jylǵy dos ediń, saǵan kópten beri ókpeli bolyp júrdim. Ákem óldi, kelmediń, sheshem óldi, kelmediń, osynyń aǵaıynshylyqqa jata ma? — dep kilkip turǵan maıdan qalaqpen ózine qaraı tartypty da, aldyna aǵyp kelgen maı men taryny aralastyryp aýzyna suǵa bastapty.
Sonda qaıterin bilmeı otyrǵan joldasy dereý:
— Oı, Qudaı-aı, oǵan seniń ókpeleıtin túk te jóniń joq. Ol kezde zaman oıpyl-toıpyl boldy emes pe? — dep tabaqty aralastyryp-aralastyryp jibergen eken.
You Might Also Like
-
Kóshpeli jappas Appaz bir kúni qypshaq Beıis qajy degen din jolynda qadirli kisini qonaqqa shaqyryp ákep otyrǵanda, el aralap kele jatqan Esmaǵambet kirip keledi. Appaz Esmaǵambetti unatpasa da, qurme...
-
Baqsabir deıtin bir qý jigit sol mańda bir sarań baı barlyǵyn, onyń jalǵyz uly ózimen zamandas ekenin estip, bir kúni tobylǵy tory atyn minip, solaı betteıdi.
