InfoHub Logo

8 naýryz kúni QS World University Rankings by Subject jyl saıynǵy reıtıńiniń nátıjesi jarıalandy. Bul pándik reıtıńte Astanadaǵy L.N. Gýmılev atyndaǵy Eýrazıa ulttyq ýnıversıteti «Fızıka» boıynsha atalmysh baǵyt júzege asyrylatyn 1 110 JOO qatarynan kórindi.

Baǵyttardy baǵalaý akademıalyq sarapshylar men jumys berýshilerdi saýalnamalaý nátıjesi, dáıeksóz alý men Hırsh ındeksi negizinde júzege asyryldy.

Bıyl reıtıńte EUÝ alǵash ret bilim berý salasy boıynsha 6 baǵytty qamtydy: «Fızıka jáne astronomıa», «Óner jáne dızaın», «Matematıka», «Ekonomıka jáne ekonometrıa», «Qonaq úı menejmenti», «Áleýmettik saıasat jáne basqarý».

Atap ótetin jaıt, qazaqstandyq JOO-lar arasynda QS World University Rankings by Subject  nusqasy boıynsha Eýrazıa ulttyq ýnıversıteti «Fızıka», «Óner jáne dızaın», «Matematıka», «Qonaq úı menejmenti (Týrızm)» baǵyttary alǵashqy orynǵa ıe boldy. «Ekonomıka jáne ekonometrıa» İİ orynǵa taban tiredi. Sonymen qatar «Fızıkadan» basqa 2017 jyly QS World University Rankings by Subject reıtıńisine engizý men saralaý úshin kórsetilgen baǵyttardyń shektik baly jetkiliksiz boldy.

«L.N. Gýmılev atyndaǵy EUÝ álemdik bilim berý keńistiginde ýnıversıtetti alǵa jyljytý boıynsha maqsatty túrde jumys isteýde. Bilim ordamyzdyń «Fızıka» baǵytynyń úzdikterdiń qataryna qosylǵandyǵynyń ózi bir jetistik, demek, Qazaqstan JOO-lary básekege qabiletti fızık mamandaryn daıarlaıdy degen sóz. Dál osyndaı mindet L.N. Gýmılev atyndaǵy EUÝ-diń basqa da baǵyttarynyń aldynda tur. Sondyqtan biz álemdik naryqta sapa men mamandarymyzdyń bedelin arttyrý maqsatynda álemdik reıtıńtik agenttikterde úzdikterdiń qatarynan kórinýge barynsha talpynyp, ózge de salalardy keńinen qamtýǵa bar kúsh-jigerimizdi salatyn bolamyz», - dep atap ótti Eýrazıa ulttyq ýnıversıtetiniń rektory, QR UǴA akademıgi Erlan Sydyqov.

Jalpy QS álemniń 4 438 JOO-synda 46 baǵytty qarastyrdy. Onyń ishinde ár túrli bilim berý salasy boıynsha reıtıńke tek 1 117 JOO engen.

---