InfoHub Logo

1. Anglıanyń «Shrúsberı Taýn» fýtbol klýbynyń alańy Severn ózeniniń jaǵasynda ornalasqan. Fred Devıs 1986 jyly zeınetke shyqqanǵa deıin balyq aýlap otyryp, alańnan ushqan doptardy da ustaı bergen. Bir maýsymda ol 130 dop aýlaǵan.

2. Golandıanyń «Feıenord» komandasynyń jankúıeri Ian van Kook 1998/1999 jyldardaǵy óziniń súıikti klýbynyń barlyq oıyndaryna 2 maýsymdyq bılet alyp qoıǵan. Biri ózine, ekinshisi óziniń ıti Boǵa!

3. Eýro-2000 chempıonaty qarsańynda goland polısıasy úıdi jalǵa alyp, onyń syrtyn qyzǵylt saryǵa boıaǵan jankúıerdi ustap alady. Golandıa ulttyq quramasynyń túsi – qyzǵylt sary.

4. 2000 jyly óz esimin «Manchester Iýnaıted» dep aýystyrýǵa bel býǵan bolgarıalyq Martın Zdravkovtyń ótinishin sot qanaǵattyrmaıdy.

5. Anglıanyń «Nottıngem Forest» klýbynyń nemis jankúıeri súıikti komandasynyń oıyndaryn tamashalaý úshin Dússeldorftan arnaıy ushyp baryp keledi. Ár maýsym saıyn ol sol úshin de 15 myń fýnt sterlıń qarajatyn jumsaıdy. 2000 jyly dál sol alańda 20 myń jankúıerdiń aldynda súıiktisi Haıke Atkınsonmen nekesin qıady.

6. 1986 jylǵy Meksıkadaǵy Álem chempıonatyna Argentına ulttyq quramasynyń oıynyn tamashalaý úshin Pedro Gatıka esimdi azamat Býenos-Aıresten Mehıkoǵa deıin velosıpedpen shyǵady. Eki jerdiń ara qashyqtyǵy 7300 shaqyrym. Ókinishke oraı oıynǵa bılet alyp jatqan sátinde onyń velosıpedin urlap, óz quramasynyń oıynyn tamashalaı almaı qalady.

7. Alǵash álem Kýbogin fransýz músinshisi Abel Lafler jasap shyǵarǵan. Onyń bıiktigi 35 santımetr, salmaǵy 3,8 keli. Kýboktiń ishi kúmispen, syrty altynmen jalatylǵan, al tireýishi jartylaıqundy lazýrıt tasynan jasalǵan. 1950 jyly atalmysh kýbok Júl Rıme Kýbogi dep atalatyn boldy.

8. Italıanyń fýtbol qaıratkeri Ottorıno Barassı Ekinshi dúnıejúzilik soǵys ýaqytynda óziniń tóseginiń astynda ózgeler urlap ketpes úshin fýtbol syılyǵyn jasyryp júrgen.

9. 1970 jyly Júl Rıme Kýbogi Brazılıa ulttyq quramasyna máńgilikke tapsyrylady.Óıtkeni brazılıalyqtar álem birinshiligin úshinshi ret jeńip alǵan bolatyn. Ókinishke oraı, 1983 jyly áıgili Kýbok tonalyp, keıbireýlerdiń aıtýynsha balqyp ketken. Qazir Brazılıada júldeniń kóshirmesi tur.

10. FIFA-nyń álem Kýboginiń úlgisin jasaýda kýbokterdiń 53 túri sarapqa salyndy. Nátıjesinde ıtalándyq sýretshi Sılvıo Gazzandjıdiń jobasy tańdalyp alynady. Jańa kýboktiń salmaǵy 4,97 keli jáne 17 jeńimpaz komandany jazatyn oryn ıaǵnı 2038 jylǵy Álem birinshiligine deıin paıdalanylady.

11. Jańa kýbok jeńimpaz quramaǵa belgili bir ýaqytqa deıin berilip, keıin qaıtadan FIFA-nyń menshigine ótedi. Onyń sebebi, ol taza altynnan jasalady. Sondaı-aq salmaǵy 18 karat jáne 8 mln. fýnt sterlıń turady.

12.Ser Artýr Konan Doıl áıgili Sherlok Holms áńgimelerin jazyp tanymal bolǵan. Alaıda 1880-jyldary AS Smıt esimimen fýtbol oınaǵanyn eshkim bilmese kerek. Ol aǵylshynnyń «Portsmýt» klýbynda qaqpashy bolǵan.

13. «So Solid Crew» pop-tobynyń ánshisi Harvı «Chelsıdiń» jastar komandasynda oınaǵan, al 2003 jyly «Ýımbldon» áýesqoı komandasyna aýysady.

14. Áıgili ıspan ánshisi Hýlıo Iglesıas madrıdtik «Realdyń» qaqpashysy bolǵan. 1963 jyly jol kólik apatynan keıin onyń sporttyq mansaby aıaqtalady. Ol aýrýhanada jatqanda medbıke Hýlıoǵa ermek bolsyn dep gıtara usynady. Sóıtip onyń taǵdyrynda mýzyka tarıhy bastalady.

15. 1920 jyldary fılosof jáne jazýshy Alber Kamú Aljır ulttyq quramasynyń qaqpasynda turǵan. Óziniń bir esteliginde: «Adamgershilik pen borysh máselesine kelgende, men fýtbolǵa qaryzdarmyn» degen.

16. Ánshi Rod Stúart 1960 jyldary aǵylshynnyń «Brentford» komandasynda oqýshy bolǵan. Biraq sol kúıi oqýyn aıaqtamaıdy.

17. Krıketten Vest-Úndistan quramasynyń oıynshysy ser Vıven Rıchards jas kezinde fýtbol oınaǵan, tipti Antıgýa jáne Barbýda ulttyq quramalarynda 1974 jylǵy Álem chempıonatynyń irikteý oıyndaryna qatysqan.

18. Rım Papasy Ioann Pavel İİ ózi týyp ósken Polshanyń Vadovısa qalasyndaǵy komandanyń qaqpasyn qorǵaǵan.

---