InfoHub Logo

Aqtóbe oblysy, Hromtaý qalasy,
№2 Sanatorıalyq balabaqshasynyń psıhology
Altynbekova Asylzat Nýrlanovna

Bilim salasy: «Shyǵarmashylyq»
Taqyryby: «Ǵajaıyp kóbelek»
Sabaqtyń ádis - tásili: ertegiterapıa, qumterapıasy.
Maqsaty: Balalardyń shyǵarmashylyq áleýetin damyta otyryp, psıhoemosıonaldyq jaǵdaıdy jaılandyrý. İshki kúızelisti túsirý, relaksasıa. Qoldarynyń usaq motorıkasyn damytý. Ózine degen pozıtıvtik kózqarasty qalyptastyrý.

Sabaqtyń barysy
Mine senderdi ózimniń sabaǵymda kórip turǵanyma qýanyshtymyn.
Balalar oń qoldarymen júrekterińdi ustańdarshy. Estip tursyńdar ma? Týk - týk deıdi. Endi osy kishkene júregimizde kishkentaı ǵana meıirim shýaǵy bar dep sezineıik. Sol shýaqpen bir - birimizdi jylytaıyq. Bir – biriniń qoldaryn ustasady. Mine kishkene kún shýaǵy úlken kúnge aınaldy. Osy kúnniń jylýyn tańǵajaıyp álemindegi turǵyndarǵa aparyp kómekteseıik. Al ol úshin biz eshteńeden qoryqpaıtyn kúshti de epti batyl bolýmyz kerek. Balalar, men sizderdi búgin sıqyrly ormanǵa, saıahatqa shaqyramyn qarańdarshy, aınala qandaı ádemi.

Oıyn: Jańbyr (slaıd)
Psıholog: Balalar sender shynyqqan saıyn tańǵajaıyp álemine jan bite bastady.
1. Jyly jańbyr da jaýdy (eki qol artta, kezek - kezek aldyǵa sozý).
2. Jańbyrdan soń ádemi kempirqosaq ta kórinedi (eki qoldy qanatsha eki jaqta ustap, ıilip bir qoldy bir qolǵa jetkizý).
3. Jyly jańbyrǵa jýynyp, ósimdikter de japyraqtaryn kúnge jaıa bastady. (Aıaqty artqa sozyp qoldy joǵary kóterip, deneni joǵary sozý).
4. Al qustar qanattaryn qaǵyp, ushýǵa daıyndalyp jatyr. (Qoldy qanatsha qaǵyp, otyryp - turý).
5. Jan - janýarlar da oıana bastady. (Jerge tizemen turyp aıaqtaryn sozý).
6. Kóbelekter de ushýǵa daıyndalyp jatyr. (Lotos qımyly)

Myna ádemi kóbelek bizderdi qaıda shaqyryp tur? káne artynan baraıyqshy
Qum salynǵan ústelge jaqyndaıdy.
- Qum terapıa jattyǵýy.
- Qoldy qumǵa salý.
- Saýsaqtarynyń arasynan qumdy ýqalaý.
- Qoldy qumǵa jasyrý.
- Qumdy sebelep quıý.

Balalar, endi kilemge jaıǵasyp otyraıyq, ertegi tyńdaıyq «Ǵajaıyp kóbelektiń túsi» ertegini aıtady:
- Bir tańǵajaıyp elde, úlken gúl alańynda túster kóbelekteri ómir súredi. Kúndiz olar uıyqtap jatady, al tún bolǵanda oıanyp, jan - jaqqa ushady. Ár kóbelek óz adamyna, úlkenge de kishige de ushyp barady. Túster kóbeleginiń qanattary ǵajaıyp. Onyń qanatynan gúldiń, jańbyrdyń ıisi shyǵyp turady. Kóbelek qanatymen qaǵyp qalsa, sol adamǵa jaqsy tús kiredi, al qara kóbelek qanatymen qaqsa qorqynyshty túster kiredi. Óz tústerińdi esterine túsirińdershi, sizder qandaı túster kóresińder? Qorqynyshty túster kóresińder me?

Psıholog: Balalarǵa qorqynyshty túster kórsetetin kóbelekterdiń kórsetip olardy jyrtyp tastaýǵa usynady. Balalar qara kóbelekterdi jyrtady.

Psıholog: Mine, biz endi ondaı tústerden qoryqpaıtyn bolamyz. Balalar biz myna kóbelekterge qandaı tús kórgileriń keledi? Sonyń sýretin salyp boıaıyq. Balalar sýret salady.

«Bolady, bolmaıdy» jattyǵýy.
Barysy: Psıholog sózderdi aıtady, al balalar solaı bolýy múmkin bolsa, onda qoldaryn shapalaqtaıdy, eger ondaı múmkin bolmasa - onda aıaqpen topyldatady.
Mysaly: qasqyr ormanda kezip júredi - alaqan shapalaqtaıdy. Qasqyr aǵash basynda otyr - aıaqtaryn topyldatady. Kastrúlde kese qaınap jatyr. Mysyq úıdiń tóbesinde qydyryp júr. It aspanda júzip keledi. Qyz úıdiń sýretin salyp otyr.

Trenıń: qorqynysh
Ormanda qarańǵy, túrli dybystar shyǵady. Ol ne eken? Qorqyp kettik. Balalar, qoryqqanda ne isteımiz? Turyp qalamyz. (Mımıkamen kórsetedi) kózin jumady. Oı, qorqynyshty bolyp ketti, bul qorqynyshty janýar shyǵar, bir daýys estiledi. (Máý) Kózimizdi ashyp qaraıyq. Ol kishkentaı mysyq eken. Ony qolymyzǵa alaıyq, jylytaıyq, sıpaıyq. Mine, mysyqpen dos bolamyz, endi qoryqpaımyz.