InfoHub Logo

Ǵarysh álemindegi qazaq juldyzy sóndi: Talǵat Musabaev ómirden ótti

Kópshiliktiń júreginde máńgi saqtalatyn, Qazaqstannyń maqtanyshyna aınalǵan ǵaryshker, Halyq qaharmany, qoǵam qaıratkeri Talǵat Amangeldiuly Musabaev 74 jasynda ómirden ótti. Bul aýyr habardy Memleket basshysy Qasym-Jomart Toqaev ta tereń kúızelispen qabyldap, marqumnyń otbasyna, týǵan-týystaryna kóńil aıtty.

Prezıdent óz jedelhatynda Talǵat Musabaevty ǵaryshty úsh ret baǵyndyrǵan erekshe erligimen eldiń mereıin ústem etken, naǵyz batyr tulǵa retinde sıpattap:

«Otandyq aeroǵarysh salasynyń damýyna ólsheýsiz úles qosqan, kásibı biligimen, adamı bolmysymen halyqtyń zor qurmetine ıe bolǵan Talǵat Amangeldiulynyń jarqyn beınesi el jadynda máńgi saqtalady», – dep atap ótti.

Talǵat Musabaev – qazaqtan shyqqan sanaýly ǵaryshkerlerdiń biri ǵana emes, halyqaralyq deńgeıde moıyndalǵan azamat. Ol 1994, 1998 jáne 2001 jyldary ǵaryshqa sapar shegip, barlyǵy 341 kúndi orbıtada ótkizgen. Onyń ishinde ashyq ǵaryshqa 7 ret shyǵyp, adamzat tarıhynda ózindik iz qaldyrdy.

Ǵaryshkerlik qyzmetinen keıin Talǵat Musabaev Qazaqstannyń aeroǵarysh salasynda basshylyq qyzmetter atqaryp, Senat depýtaty, ulttyq jobalardyń bastamashysy retinde el damýyna óz úlesin qosty.

Onyń ómir joly – jas urpaqqa jiger men senim syılaıtyn, tabandylyq pen otansúıgishtiktiń sımvoly. Talǵat Musabaevtyń qazasy – kúlli el úshin orny tolmas qaıǵy.
Imany joldas, rýhy peıishte bolǵaı.