AQSH 2008 jyldan beri alǵash ret Ulybrıtanıaǵa ıadrolyq qarýyn qaıta ornalastyrdy
AQSH birneshe B61-12 úlgisindegi termoıadrolyq bombasyn Ulybrıtanıadaǵy Saffolk graftyǵynda ornalasqan Lakenheath áskerı bazasyna ornalastyrdy. Bul týraly UK Defence Journal basylymy habarlady.
Atalǵan baza kezinde — qyrǵı-qabaq soǵys dáýirinde — AQSH-tyń Eýropadaǵy negizgi ıadrolyq arsenaldarynyń biri bolǵan. Alaıda 2008 jyly bul bazadan ıadrolyq qarý shyǵarylyp, sodan beri munda ondaı qarý saqtalmaǵan.
B61-12 — AQSH-tyń zamanaýı termoıadrolyq qarýy. Ol dáldigi joǵary, qýaty retteletin, ushaqpen tasymaldanatyn bomba retinde belgili.
Sarapshylardyń aıtýynsha, bul qadam Reseımen geosaıası shıelenistiń kúsheıýimen jáne Eýropadaǵy qaýipsizdik máselesiniń ýshyǵýymen tikeleı baılanysty. NATO-ǵa múshe elder sońǵy jyldary ózara qorǵanys strategıasyn qaıta qarap, ıadrolyq áleýetti kúsheıtýge erekshe mán berip keledi.
Qazirgi tańda AQSH-tyń Eýropadaǵy birneshe elde (Germanıa, Belgıa, Italıa, Nıderlandy, Túrkıa) ıadrolyq qarýy bar ekeni belgili.
You Might Also Like
-
Sot prosesi barysynda belgili bolǵan derekter qoǵamdy alańdatty: «Asar-Ume» qoǵamdyq birlestiginiń prezıdenti Asqat Nurmashevtyń aıtýynsha, qor halyqtan jınalǵan 293 mln teńgeniń 200 mıllıonyn Perıza...
-
Perızat Qaırattyń isi: NZM ata-analary da jábirlenýshi retinde tanyldyQaıyrymdylyqqa dep aýdarǵan 900 myń teńgeden astam qarjy ustazdyń emine jumsalýy tıis edi
