InfoHub Logo

Synyptan tys jumys 7, 8 synyp úshin.
Sabaq taqyryby: Geometrıa neni úıretedi?

Sabaq maqsaty: 1) Oqýshylarǵa geometrıa páni neni zertteıtinin túsindirý.
2) tarıhı maǵlumattar aıtý, ártúrli oıyndar oınaý arqyly oqýshylardyń geometrıa pánine qyzyǵýshylyǵyn oıatý.
3) Alǵan bilim daǵdylaryn esep shyǵarǵanda paıdalaný.
Sabaq kórnekiligi: a) Geometrıalyq fıgýralar sýreti salynǵan plakattar b) geometrıalyq fıgýralardyń aty jazylyp, beınesi keskindelgen baskıimder daıyndalady v) sózjumbaq g) tangramdar d) matematıkalyq fıgýralar, kompúter, ınteraktıvti taqta

Sabaq barysy:
1 - júrgizýshi: - « Geometrıa neni úıretedi?»- atty sabaǵymyzdy bastaımyz.
2 - júrgizýshi: - Al dostar qýanyshpen jıyndy bastaıyq.
1 - júr - shi: - Geometrıa syryna saıahat jasalyq.
2 - júr - shi: - Máńgı baqı este qalar qyzyqty bir jıyn bolsyn.
1 - júr - shi: - Geometrıa qalaı shyqty
Búgin sender bilesińder.
2 - júr - shi: - Geometrıa eline sapar shegip
Aralasyp júrsińder.
1 - júr - shi: - Bul jerde sen tanysasyń. Arhımedpen
Kemeńger ol, fılosof árpinde ótken.
2 - júr - shi: - Kezdesesiń dál sondaı taǵy da bir.
Ǵylymmenen jer jıhanǵa bilim ekken.
1 – júr - shi: - Evklıd pen Pıfagor aıtqanyn bul
Talaptanyp bilimge zeıinińdi bur.
2 - júr - shi: - Taýdan aqqan ózendeı sarqyratyp
Ǵylym jasap tóbeden tókti olar nur.
1 - júr - shi: - Sýdaı tasyp ár bıik belden ótken
Dúnıege san alýan óner tókken
- Bilim alyp bulardyń jolyn qýǵan
Árbir adam ómirde órge basqan.
2 - júr - shi: - Matematıka - keń óristi ǵylym
Sizderge geometrıa ashady syryn.

Baıandama: Qysqasha, geometrıanyń damý tarıhyna toqtalaıyq. Geometrıalyq fıgýralar jer ólsheýde, úıler, ǵımarattar, joldar, kópirler salýǵa egin egetin jerdi paıdalanýǵa, kanaldar qazýǵa t. b. kóptegen qajettilikterge ólsheýler júrgizedi. Teri tersekpen aınalysqan sheberge, temir metaldan ártúrli buıym jasaǵan ustaǵa da, qysqasy usaq qolónershilerge de geometrıalyq fıgýralarmen shuǵyldanýǵa týra keledi. Túrli ǵımarattardy, patsha saraılary men ǵımarattardy salǵan sheberge pıramıdanyń kólemi qandaı bolatynyn, onyń tabanyna qansha tas kerektigin bilý kerek bolǵan. Grekter bul ǵylymdy jer ólsheý jónindegi ǵylym degen.
Asylaı: - Geometrıa - geometrıalyq fıgýralardyń qasıetterin zertteıtin ǵylym.
Biz biletin
- núkte
túzý
- kesindi
- sáýle
- burysh
- úshburysh
- tórtburysh
- sheńber
- dóńgelek – Bulardyń árqaısysy
Hormen: Geometrıalyq fıgýralar.
Jadyra: - Geometrıanyń jazyqtyqtaǵy fıgýralardy zertteıtin, bólimin planımetrıa dep ataıdy.
Quralaı: - Planımetrıadaǵy negizgi geometrıalyq fıgýralar núkte jáne túzý.
Mırambek: - Núkte dep ári qaraı bólshektenbeıtin fıgýrany aıtamyz.
Aıdar: - Túzý dep, sheti joq uzyndyqty aıtamyz.
Ertegi: - Núkte túzý boıymen júgirip júr.
«Sharshadym ma, áli uzaq júgiremin be?» Túzýdiń shetine jete alar emespin.
Oqýshy: - Núktejan, sen, túzýdiń shetine shyǵa almaısyń. Sen túzýdiń sheti joǵyn bilmeısiń be?
Núkte: - Onda men kelesi jaqqa qaraı júremin.
Oqýshy: - Ol jaǵy da sheti joq.
Núkte: - Endi qaıtem. Osylaı shetsiz, sheksiz júre beremin be?
Oqýshy: - Olaı júre bergiń kelmese, qaıshyny kómekke shaqyraıyq
Núkte: - Ýra
Qaıshy kelip túzýdi qıyp tastaıdy.
Núkte: - Alaqaı túzýdiń sheti tabyldy. Endi ekinshi jaǵynan da ush shyǵaryp bershi.
Qaıshy: - Jaraıdy.
Núkte tań qalady.
Núkte: - Meniń túzýimniń bir jaq ushy bar, ekinshi jaǵynyń da ushy bar.
Oqýshy: - Bul kesindi, - dedi. Endi sen, núkte, túzýdiń kesindisiniń boıynda tursyń.
Núkte: - Túzý kesindisi, túzý kesindisi
Lá, Lá, Lá, Lá
Núkte: - Maǵan bu kesindi ataýy unaıdy. Men ony umytpaımyn. sosyn maǵan kesindiniń boıynda júrý unaıdy. Biraq túzýdi de jaqsy kórem. Biraq ol joq.
Al ana bólikte olar da kesindi me?
Oqýshy: - Joq. Olardyń ataýy bar. Olar sáýle dep atalady.
Núkte: - Alaqaı, alaqaı. Men olardyń nege sáýle dep atalǵanyn bilemin. Sebebi olar kún sáýlesine uqsaıdy.
Núkte: - Qaıshy, ótinem senen. Meniń túzýimdi qaıtadan bar ete kórshi.