InfoHub Logo

T.Júrgenov atyndaǵy Qazaq ulttyq qner akalemtásynda ǵylymı-tájirıbelik konferensıa ótti. Jas  eǵalymdar men stýdentter arasynda «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan Respýblıkasynyń Prezıdenti N.Á.Nazarbaevtyń Qazaqstan halqyna Joldaýyn túsindirý jáne nasıhattaýǵa baǵyttaldy.

Atalǵan jıyn «Qazirgi jahandyq álem: rýhanı jańǵyrý jáne ulttyq bolmysty saqtaý máseleleri» konferensıasy T.Júrgenovtyń  120 jyldyq mereıtoıyna arnalyp otyr.  Konferensıanyń negizgi maqsaty - stýdentterdiń ǵylymı-zertteýshilik jumysy joǵary deńgeıdegi mamandar daıarlaýdyń sapasyn arttyratyn qural bolyp tabylady jáne tájirıbelik ómirde ǵylym men mádenıet jetistikterin shyǵarmashylyq turǵydan qoldana alyp, qoǵamnyń damý jaǵdaıyna tez beıimdelelýge shyńdaıdy.  

Jas ǵalymdardyń halyqaralyq ǵylymı-praktıkalyq konferensıasynyń basty maqsaty bilim alýshylardyń shyǵarmashylyq qyzmetin belsendi etý, jastardy ǵylymǵa, zertteýshilik jumystarǵa tartý isin jetildirý, bilim berý men tárbıe isiniń birtektiligi men kásibı bilimniń sapasyn arttyrýdy qamtamasyz ete otyryp, oqytýshylar men bilim alýyshylarda zertteýshilik mádenıetin qalyptastyrý. Konferensıaǵa   Lazar Ýnıversıteti (Polsha), Hangýk shetel tilderi ýnıversıteti (Ońtústik Koreıa), Ekonomıkanyń joǵary mektebi ulttyq zertteý ýnıversıteti (Sankt-Peterbýrg), Álem ekonomıkasy jáne dıplomatıasy ýnıversıteti (Tashkent), Belorýssıa memlekettik ýnıversıtetterinen  (Mınsk)   kelgen  stýdentter men jas ǵalymdar qatysty. 

Jıynda Qazaqstan Táýelsizdiginiń tarıhı máseleleri, patrıottyq tárbıe, halyqtyń tarıhı-mádenı muralaryn saqtaý máseleleri, rýhanı jańǵyrý men Qazaqstan halqy dástúrli mádenıetterine baılanysty suraqtar qarastyrylǵan. Sonymen qatar, qoǵamdaǵy ózekti máseleler: jastar máseleleri, bilim, mádenıet jáne óner týraly naqty tujyrymdy oılar men tereń ǵylymı zertteýlerin kópshiliktiń nazaryna usyndy. Solardyń birqatary T.Q. Júrgenov atyndaǵy QazUÓA  stýdenti Uzaq Ásettiń mazmundy baıandamasynda:  «osy Joldaýda Elbasy ulttyq ıntellıgensıanyń róline erekshe toqtaldy. Qazaqstan halqynyń baǵyt alyp, boı túzeýge tıis zamannyń jańa qaharmandaryn tanymal etý qajettiligi baıan boldy», - dep aıryqsha toqtaldy.  

Ulttyq bolmysty saqtaýǵa baǵyttalǵan sharalardyń elimizdi jańa belesterge bastaıtyny aıdaı aqıqat. Osy turǵysynan kelgende rýhanı jańǵyrý ıdeıasynyń tarıhı mańyzy óte joǵary. Elbasy bastamasynyń bolashaq urpaq aldyndaǵy salmaǵy men jaýapkershiligi mol. Sondyqtan búgingi bizder osy ıdeıany júzege asyrý jolynda aıanbaı eńbek etip, naqty áreket etýdi kezek kúttirmes másele dep qabyldaýymyz kerek.

Búgingi jas ǵalymdardyń basyn qosyp, ortaq múdde biriktirgen konferensıa sonyń aıqyn dáleli bolyp tabylady. Sátti sheshimderi arqyly memlekettiń baıandylyǵyn qamtamasyz ete alatyn ári bilim men qoǵamdyq kelisim, toleranttylyq ústemdik etken zamanýı qoǵamdy qalyptastyrý. Sondyqtan Elbasy N.Á. Nazarbaev bıylǵy joldaýynda: «Bilim berý salasyna óziniń ınvestısıalyq jobalary men eksporttyq áleýeti bar ekonomıkanyń jeke salasy retinde qaraıtyn kez keldi» dep atap ótken bolatyn. Jalpy konferensıa aıasyndaǵy áńgimeniń negizgi aýany osyndaı ózekti máselelerge baǵyttaldy.  

---