InfoHub Logo

Qazirgi mektepte bilim berý júıesi sońǵy otyz jylda únemi ózgeristerge ushyrap keledi. Jyl saıyn jańa baǵdarlama engiziledi, bireýi jaraıdy, bireýi jaramaı qalady. Birinshi synypqa qabyldaýdyń da sharttary birtúrli bolyp ketti.

Joǵary jaqtyń turaqty qysymynan qajyǵan, sharshaǵan ustazdardyń balalarǵa qaraýǵa murshalary joq. Óıtkeni únemi qaǵazdar toltyryp, esep berip, kórsetkishterdi ótkizýden qoldary bosamaıdy. Mekteptegi tapsyrmadan kóp tapsyrmany úıge beretin birtúrli júıe aınalyp ketkendeı.

Osynyń bári ata-analardy balalaryn úıde oqytsaq degen oıǵa jeteleıdi. Báribir, negizgi praktıkalyq jumystyń bári sabaqtan keıin oryndalady da, balanyń jan-jaqty damýyna múldem ýaqyt qalmaıdy.

Balalaryn úıde ózderi oqytqysy keletin ata-analar nege daıyn bolý kerek, onyń qandaı artyqshylyqtary men kemshilikteri bar? Bul maqalada osy másele jaıly aıtamyz.

Otbasynda oqytýdyń artyqshylyqtary

Otbasynda oqytý ádisiniń úıde oqytýdan aıyrmashylyǵy, ony densaýlyǵynda eshqandaı kinárat bolmaǵan, kádimgi mektepte oqı alatyn, biraq ata-anasy oqytqysy kelmeıtin balalardyń ata-anasy qoldanady.

Úıde oqytýdy qoldaıtyndar biraýyzdan onyń kelesi artyqshylyqtaryn atap aıtady:

- Balany sabaqqa barardan buryn bir jarym-eki saǵat buryn oıatpaısyz, tańerteń sabaqqa barý úshin ábigerge túsip, jınalmaısyz. Balańyz mektepke ózi baratyn bolsa, jetti me, jetpedi me dep ýaıymdamaısyz.

- Balanyń uıqysy qanyp oıanady, asyqpaı tańǵy asyn ishedi. Tek sodan keıin ǵana sabaǵyna kirisedi. Bul balanyń jalpy densaýlyǵyna oń áser etedi.

- Úıge berilgen tapsyrmany oryndaýǵa sabaq ótýden kóp ýaqyt ketpeıdi. Ári basqa balalar mektepte ótkizetin ýaqyt balanyń ózinde qalady da, qyzyǵýshylyǵyna qaraı qosymsha úıremeler men seksıalarǵa erkin qatysa alady.

- Eger balanyń ıntellektýaldy damýy ortadan joǵary bolsa, onda úıden bilim alýy eki jyldyq oqýdy bir jylda ótýge múmkindik beredi.

- Ata-ana men balanyń arasyndaǵy qarym-qatynasqa jıi jik túsiretin oqytýshylar tarapynan eshqandaı qysym bolmaıdy.

Úıde oqytýdyń kemshilikteri

Kez kelgen ádister sıaqty úıde oqytýdyń da kemshilikteri bar. Árıne, keıbireýler úshin ol kerisinshe, artyqshylyq bolýy múmkin.

- Balasyn oqytýda ata-anasy tolyqtaı ózi jaýapty bolady.

- Eger ata-anasy mektep baǵdarlamasyn oqyta almasa, onda aqsha tólep, úıreýshi jaldaýǵa týra keledi. (Alaıda, mektepte bilim alý kezinde de ata-analardyń osyndaı kómekke jıi arqa súıeıtinin esepke alýymyz kerek.)

- Úıde oqytý sharty boıynsha kádimgi mektepte eki ret attestasıadan ótedi.

Keıde mektepke barǵan kezde muǵalimder tarapynan másele týyndap, ata-ana men onyń balalaryna qysym kórsetilýi múmkin. Mundaı qıyndyqtyń aldyn alý úshin úıde bilim berý týraly zańdy, ásirese, mektep attestasıadan ótýdi neshe ret talap ete alatyn bólimin muqıat oqý kerek.

Úıde oqytý týraly sheshim óte jaýapty ári naqty qadam. Mundaı sheshim qabyldamas buryn ata-ana báriniń artyqshylyqtary men kemshilikterin tarazyǵa salyp kórý kerek. Alaıda, mundaı sheshim qabyldaǵandardyń arasynda kóbinese jaǵymdy pikirler aıtylady.

Derekkózi: poznaysebia.com

Oqýǵa keńes beremiz: Ananyń sheberligi

---