InfoHub Logo

Qazaqstannyń syrtqy jáne ishki saıasatta mán-maǵynasy zor bul shara, ásirese álemdegi qıyn-qystaý, pandemıa, geosaıası shıelenis syndy ózekti máseleler kezinde oryn alǵan bul forýmdy tarıhı mańyzy zor oqıǵa desek kem de bolmas. Pandemıa kezinde bizge dıalog pen qarym-qatynas jetispegeni sózsiz, ádette adam qıyn-qystaý kezinde járdemdi Qudaıdan surap, din ókilderinen aqyl keńes pen qoldaý suraıdy. Pandemıada zardap shegip, tuńǵıyqqa túsip ketken adamdar úshin tuńǵıyqtan shyǵýyna, qaıtadan qarym-qatynas jasaýyna sez birden-bir sebep boldy. Rasynda qazirgi kezde búkil álem rýhanı qoldaý men rýhanı qundylyqtarǵa zárý ekeni málim. Sol tusta yntymaqtastyq shańyraqta bul sezge álemniń 100 elinen 50 den asa din ókilderi qatysty. Ádette ár din ókilderin basyn qosý bul ońaı is deýge bolmas. Qazaqstannyń bul jaǵynan álemge utymdy, keremet kórinisteriniń biri desem de bolady. Sez qyrkúıek aıynyń 13-14 juldyzynda aıryqsha joǵary deńgeıde ótti. Bıylǵy bul sezge Rım Papasy Fransısk, «Ál-Azhar» ýnıversıtetiniń joǵarǵy ımamy sheıh Ahmad at-Taıeb jáne taǵy da basqa din kóshbasshylary qatysty. Din kóshbasshylarynyń bári forýmda tatýlyq máselesin alǵa tartyp, bir aýyzdan qoldady. Sıeze áıel máselesi taqyryby qozǵalǵan eken. Eýropadan kelgen shirkeý basshylary men dinı basqarmalardyń ókildilikteri qyz balasyna beı-jáı qaraýǵa bolmaıdy dep naqtylaǵan. Mysalǵa Aýǵanstanda áıel quqyǵy taptalyp jatyr. Talıbandar qatygezdikpen áıel adamdarǵa kúsh kórsetip, bilim, ilimnen maqurym qylyp jatyr. Tipti medısınada áıel adamdaryn alshaqtatyp jatyr. Kópke topyraq shashpaımyn, biraq keıbir ıslam memleketterinde áıel adamnyń quqyǵynyń taptalýy, elenbeýi bul musylmandardyń qap-qara daǵy. Sıeze bul máseleniń kóterilý qýantarlyq jaǵdaı. Bul másele jaıly delegasıaǵa qol qoıyldy, endi oryndalsa tipti nur ústine nur bolar edi.
Qazaqstan eliniń qonaqjaılyǵyn aldyǵa salyp, kóptegen din ókilderi qazaq eline arnaıy alǵys bildirgen. Árıne Qazaqstan búkil álemde beıbitshilikti qalyptastyrýǵa úlken úles qosyp otyr. Sondaı-aq biz adamdar álemdi qurýshymyz da, qurtýshyda biz ekenin umytpaǵanymyz abzal. Jer betine beıbit ómir ornatý adamzat balasynyń basty múddesi. Osy Álemdik jáne dástúrli dinder lıderleriniń jıyny adamzatty birlik pen yntymaqqa shaqyrǵan berekeli otyrys bolǵanyna anyq kózimiz jetedi. Rım Papasy Fransısk: «Men Qazaqstannyń azamattyq qoǵamyna erekshe alǵysymdy bildiremin. Qazaqstan-halyqtyń muń-muqtajy eskerilgen memleket ekenine kózimiz jetip otyr. . . »-dep Rım Papasy qazaq qoǵamy úılesimdilikte damyp keledi dep atap ótti. Bul jaqsy jetistikterdiń biri dep oılaımyn.
Qorytyndylaı kele, elimizdiń álemdik dinder ókilderin bir shańyraq astyna jınap, beıbitshilik pen tatýlyqty nyǵaıtty. Jáne de elimizdiń ekonomıkasyna, týrızmge qosqan úlesi de kem bolmady. Jer betindegi ulttar men ulystardyń bir maqsatqa jyǵylǵanda álemde bereke ornaıdy. Osyǵan sebepker bolǵan-Qazaqstanymmen maqtanamyn.

Ál-Farabı atyndaǵy Qazaq Ulttyq Ýnıversıti
«Fılosofıa jáne saıasattaný» fakúlteti
«Dintaný» mamandyǵynyń 3 kýrs stýdenti
Daırabekova Aıdana Baqtybekqyzy
Ǵylymı jetekshisi: Kýderına A. N.

---