InfoHub Logo

Iran ıadrolyq qarýdan bas tartýǵa jáne Izraılge soqqylaryn toqtatýǵa daıyn ekenin málimdedi

Iran bıligi Taıaý Shyǵystaǵy shıelenisti báseńdetýge nıetti. Eldiń Syrtqy ister mınıstri Abbas Arakchı Irannyń ıadrolyq qarýdan bas tartý týraly kelisimge qol qoıýǵa daıyn ekenin jarıalady.

Mınıstrdiń aıtýynsha, Tegeran Izraıl tarapy agresıasyn toqtatsa, áskerı shabýyldaryn doǵarýǵa ázir. Bul málimdeme Taıaý Shyǵystaǵy turaqsyzdyq ýshyqqan tusta jasaldy.

«Biz ıadrolyq qarýǵa ıe bolý nıetinen birjola bas tartýǵa daıynbyz. Sonymen qatar, Izraıl Iranǵa qarsy soqqylaryn toqtatsa, biz de jaýap shabýyldaryn doǵaramyz», – dedi Arakchı halyqaralyq BAQ ókilderine bergen suhbatynda.

Bul Iran tarapynan jasalǵan sırek kezdesetin beıbit usynystardyń biri retinde baǵalanyp otyr. Sarapshylar bul qadam Taıaý Shyǵystaǵy shıelenisti báseńdetýge úles qosýy múmkin ekenin aıtýda.