InfoHub Logo

Elordadaǵy kólik keptelisin azaıtý maqsatynda memlekettik qyzmetkerlerdiń jumys ýaqyty erterek bastalýy múmkin. Bul usynysty Májilis depýtaty Asylbek Nuralın kóterdi. Onyń aıtýynsha, ortalyq atqarýshy organdar men ulttyq kompanıalar qyzmetkerleriniń jumys kúnin tańǵy 07:00 nemese 08:00-ge aýystyrý qajet.

Depýtattyń málimdeýinshe, elordada kólik ınfraqurylymyna túsetin júktemeniń negizgi sebebi — halyqtyń tańerteń qala ortalyǵyna bir ýaqytta aǵylýy. Ásirese, memlekettik mekemelerde eńbek etetinderdiń sany kóp bolǵandyqtan, olar qozǵalys tyǵynyna edáýir áser etedi.

"Tańǵy ýaqyttaǵy jappaı qozǵalys kúndelikti ómir sapasyn tómendetip, qala ınfraqurylymyn shamadan tys júktep otyr. Bul máseleni sheshýdiń bir joly – jumys kestesin ıkemdi etý", — deıdi Nuralın.

Qazirgi tańda bul usynys talqylaný kezeńinde. Qoǵam men sarapshylardyń pikirinen keıin naqty sheshim qabyldanbaq.