InfoHub Logo

Túrkistan oblysynda memlekettik baqylaý men tazalyqty qamtamasyz etýi tıis organ – Tekserý komısıasynyń tóraǵasy ózi tekserýdiń nysanyna aınaldy. Ǵalymjan Tapeevtiń atyna "qyzmetin asyra paıdalandy", "qol astyndaǵylardy balaǵattady" degen shaǵym tústi. Bul – tek jaı áńgime emes, memlekettik qyzmettiń abyroıyna tikeleı soqqy.

Memlekettik qyzmet isteri agenttiginiń oblystyq departamenti arnaıy qyzmettik tergeý bastaǵanyn rastady. Iaǵnı, "bári jaqsy" deıtin kabınet mańyndaǵy tynyshtyqtyń syrtynda ne bolyp jatqany ashyla bastady. Búgingi tańda Tapeevtyń ózi de, onyń áreketteri de jurt nazarynda.

Tóraǵa memlekettik qyzmetker etıkasyn belinen basyp, basqarý tásilin qysym men qorqytý arqyly júrgizip kelgeni me,onysy aýdıojazbaǵa basylyp qalǵan.Degenmen Tapeev bul týraly pikir bildirýden jaltarǵan. Munysy – jaı ǵana únsizdik pe, álde aqtalýǵa sóz tappaǵany ma?

Eń soraqysy – qoǵam aq-qarasyn ajyratýǵa tıis organnyń óz ishinde osyndaı daý shyqqany. Memlekettik qurylymdardyń ishinde qyzmettik etıka men tártip saqtalmasa, odan halyq ne kútpek?