InfoHub Logo

Ánshi Jah Khalib (azamattyq aty — Bahtıar Mamedov) elimizdegi josparlanǵan konsertterin belgisiz merzimge keıinge qaldyrdy. Bul sheshimge otbasyndaǵy aýyr jaǵdaı sebep bolǵan.

Áleýmettik jeli arqyly málim etken mýzykanttyń aıtýynsha, jańa týǵan qyzy aýyr medısınalyq operasıadan soń jansaqtaý bóliminde jatyr.

"Qazirgi ýaqytta shyǵarmashylyqty jalǵastyrýǵa moraldyq kúshim joq. Bar oıym — otbasymmen birge bolyp, qıyn sátte qoldaý kórsetý", — dep jazdy ol óz paraqshasynda.

Ánshi jubaıynyń janynan tabylyp, sábıiniń ómiri úshin kúresýge nıetti ekenin jetkizdi. Ol tyńdarmandarynan da rýhanı qoldaý surap, balasynyń amandyǵy úshin duǵa tileýge shaqyrdy.